Page 125 - Кун кууьар хайатыттан

Кини бэрт холкутук эттэ:
— Чэ, туох да буолуоҥ суоҕа.
Түүрүллүбүт халааты төргүүлэнэн иһэригэр олордон ба­
ран, сонун тэллэҕин өрө тардынан төбөбүн бүрүйэ бырахта.
Онтон сонун тэллэҕин бэйэтигэр сөрөнөн кэбистэ. Иһим-
үөһүм ыгыллан хаалла, сүрэҕим бобута тутта.
— Аҕаа! — диэн хаһыытаабытынан, өрө мөхсө сатаатым.
— Аргыый! — диэн бардьыгынаан кэбиһээт, киһим сонун
өссө ыгатык сөрөннө. — Ытаан көр эрэ, өлөрөн кэбиһиэм!
Өрүү саҥарба!..
Ах баран хааллым. Алдьархайга түбэспиппин дьэ өйдөөм-
мүн, сыҥсыйбахтаабытынан ыйыттым:
— Убайкаам, эн миигин бу ханна илдьэ бардыҥ?
— Туту да ыйыталаһыма. Өссө биирдэ айаххын атыаҥ да,
өлүөҥ, — диэн дьаҕырыйда.
Итинтэн ыла мин кэпсэтэ да соруммат буоллум. Арай со-
тору-сотору ытаан сыҥырҕайдыыбын.
Киһибин да, баран иһэр суолбутун да кыайан көрбөппүн,
ханна илдьэн эрэрин да билбэппин. Хараҥарбытын кэннэ
кини атыттан дьэ түстэ уонна ындыытыттан ас ылан, туту да
саҥарбакка эрэ, миигин аһатта.
Дьэ онтон, дьон утуйар кэмигэр, биһиги элбэх ыаллаах
кырдалга тиийдибит. Манна мин, сону бүрүммэккэ иһэр буо-
ламмын, барытын көрдүм.
Ыаллар саамай ортолоругар сымыыт хаҕын курдук муус
маҥан балаҕан турар. Киин дьиэ арыый аллараа өттүгэр турар
боолдьох үрүттээх кыра кибитка дьиэҕэ тиийэн баран, кини
кими эрэ ыҥырда. Дьиэ иһигэр ким эрэ саҥараатын кытта
ааҥҥа күлүк көстөн кэллэ.
— Аҕалыах буолбуппун бу аҕаллым. Ыл, — диэн киһим,
миигин кимиэхэ эрэ туттаран баран, ааһа көтүтэ турда.
Миигин киллэрбит дьиэлэрэ баһылыктарын дьиэтин кыт­
та кэккэлэһэ турар. Түүрүллүбүт хара сирэйдээх эмээхсин
кып-кыараҕас харахтарынан миигин чинчилиирдии одуула-
һан симириктии олорон баран, аһыммыт куолаһынан аргыый
ыйытта:
— Тукаам, эн, бука, ким эрэ таптыыр оҕото буолуоҥ дии.
Куттаныма, олор. Бука, ийэлээх буоллаҕыҥ буолуо. Ийэ мэл-
дьи оҕолорун эрэйдэринэн эрэйдэнэр, үөрүүлэринэн үөрэр.
123