Page 160 - Кун кууьар хайатыттан

туой буортан уһанар дьиэни оҥостубута уонна кыстык олох-
тоохторугар булууктарын өрөмүөннээбитинэн, көлүөһэлэрин
тимирдээбитинэн барбыта. Онтон быыбаккаран хаалбыт сир
ылан хортуоппуй олордубута. Хортуоппуйа үчүгэйдик үүммү-
тэ. Көһөн кэлбит киһи хаһаайыстыбата бөҕөргөөн, кытаатан
испитэ. Кыргызтар кинини ытыктаан кэпсэтэр буолбуттара.
— Ыл көрүҥ, нууччалар сатаан хаһаайыстыбаны тэринэр
дьон. Ити Метрей аҥаардас хортуоппуйунан байан эрэр.
Дьахталлар эрдэригэр:
— Ээй, тойон дьиэлээх, көрөҕүөн, ити нуучча кыһыл кө-
мүс үүнүүнү хомуйарын. Бар эрэ, ыһыыга сиэмэ гынарга ки-
ниттэн биир куул хортуоппуйда көрдөө, — дэһэллэрэ.
Маҥнай утаа кыргызтар саҥа көһөн кэлбит киһиттэн ону
көрдөһө барыахтарын кэрэйэн:
— Лахсыйыма! Метрей биһиэхэ биэрээри хортуоппуй үүн-
нэрбит үһү дуо? — диэн ойохторугар хоруйдууллара.
Дмитрийтэн ким бастаан сиэмэҕэ хортуоппуй көрдөөбүтэ
буолла — ол чахчы-бааччы биллибэт. Кини аккаастаабатах,
аккаастыахтааҕар буолуох — хортуоппуйу хайдах олордору,
хайдах харайары, көрөрү-истэри үөрэтэн биэрбит. Онтон ыла
кыстыкка хортуоппуй олордор буолбуттар уонна тас сиртэн
кэлбит нуучча киһитин умнан, бэйэлэрин киһилэрин, бы-
рааттарын курдук сыһыаннаспыттар. Дмитрий даҕаны саҥа
ыалларыттан тэйбэккэ, кинилэри кытта сэһэргэһэн тыллары-
гар, үгэстэригэр үөрэнэн испит.
Дмитрий ойоҕо, Надежда Сергеевна эмээхсин, үтүө май-
гылаах этэ. Кини маннааҕы дьахталлары кытта тапсан, дьиэҕэ
хайдах сатабыллаахтык хаһаайыстыбаны тэрийэрин кэпсээн,
сэһэргээн билиһиннэрэр этэ.
Дмитрий — холкуоһу тэрийээччилэртэн биирдэстэрэ. Ки­
ни актыбыыс, сельсовет чилиэнэ.
Маруся Сергей диэн сүүрбэ сэттэ саастаах убайдаах. Кини
аҕатыттан тимир ууһун идэтигэр үөрэнэн, билигин холкуос
уһанар дьиэтигэр үлэлиир.
Сергей сарсыарда эрдэ куораттаан турар, баара буоллар бу
көргө кыттыах этэ.
Шамбет Марусяҕа:
— Эн убайыҥ Сергей куораттаан хаалбыт, онон эн кинини
158