Page 157 - Кун кууьар хайатыттан

кини, баҕар, ити ынаҕар ис элбэҕи да иһэр диэхтэрэ диэн
санааттан туттуммута (кини оһоҕостоох сылдьар этэ). Өйдөөх,
эдэр дьахтар дьон куһаҕаннык саҥарыахтара диэн сэрэммитэ.
Уочарат Шамбекка тиийэн кэлбитигэр, кини көрдөһүн-
нэрэ сатаабатаҕа, кымыс кутааччыга кытыйатын уунан баран:
— Чэ эрэ, тобус-толору кут! Кымыһы да сатаан иһэр ки-
һиэхэ иһэрдэллэр! — диэбитэ.
Тулалаан олорор дьон Шамбет тылын кэрэхсии истибит-
тэрэ. Кини саарба кыыл курдук хап-хара баттаҕа үрэллэн, күн
уотугар килэбэчийэн көстөрө, сабыстаҕас хаастара өссө ордук
тупсараллара, сүдү буолан көстөрө. Кини дьон оонньоон са-
ҥарар тылларын истэ олорон, саннын хамсатан күлэн күһү-
гүрэппитэ.
Симиир иһиккэ кымыс улаханнык аҕыйаабытын кэннэ,
Чаргын симиири үчүгэйдик тутан, кытыйатын ууммут эдэр
дьахтарга туһулаан эппитэ:
— Үчүгэйдик кут! Бары иһиҥ! Биһиги симиир иһиппит
хаһан да кураанахтаныа суоҕа. Кини кистэлэҥэ мыччыстыбыт
иҥээһинигэр баар. Төһө да куппутуҥ иһин — туолуо суоҕа,
төһө да испитиҥ иһин — кураанахтаныа суоҕа. Биһиги си-
миирбит — олоҥхо симиирин курдук... Кытыйаҕытыгар хара
киэһээҥҥэ диэри куттарбыккыт да иһин — син биир, чаан-
ньыктан кутуллар курдук, кутулла туруо... Чэ, билигин ырыа-
та ыллыаҕыҥ, тойукта туойуоҕуҥ...
— Маладьыас! — диэн Акман сөбүлэспитэ. — Үчүгэй баҕа
санаа — дьол-соргу аҥаара. Үчүгэй сүбэ киһини киэргэтэр.
Күлүү-оонньуу үчүгэй дьыала. Оттон сиэри таһынан күллэ-
рэстиир, саарбах дьыаланан дьарыктанар — түктэри быһыы.
Оттон үчүгэй ырыа киһини киэргэтэр.
— Чэ эрэ, ырыабытын саҕалыаҕыҥ! Ким бастыырый? —
диэн уолаттар, кыргыттар күйгүөрэ түспүттэрэ.
Өс хоһооннору, былыргы номохтору билэр Элебес тыл кы-
быта охсубута:
— Бараан үөрүн кырдьаҕас бараан сирдээччи, көргө-нарга
оонньууну дьон таптыыр киһитэ саҕалааччы. Биһиги барыбыт
таптыыр киһибит кимий? Ырыаны ол саҕалаатын.
Кымыһы иһэн унуоҕа ууллубут оһоҕостоох Айганыш
уоһун аһан иһигэр туту эрэ ботугураабыта. Онно кини: «Ити
күлүү-элэк туппут дьоно аны миигин бастаан ыллаа диэхтэрэ.
155