Page 162 - Кун кууьар хайатыттан

кини үтүө кэриэһин ытыктаан, ыраахтан айаннаан кэлбит
кыыһы хомоппот туһугар кыһана сатыыллара. Уолаттартан,
саамай санаалара иэйбиттэртэн биирдэстэрэ эмэ, кыыс диэ-
ки уоран кылап гына көрөн кэбиһэрэ уонна: «Джигит эрэй-
дээх, эн муҥ сатаатар кырасаабыссаҕын тиһэххэ биирдэ көр-
бөккөҕүн эрэ, биһигиттэн букатын араҕыстыҥ. Оо, кэрэ да
кыысчаан эбит!..» — диэн иһигэр саныыра.
Кырдьыгы кистээбэккэ эттэххэ, дьиҥ иһэ маннык этэ,
экскурсияттан төннөн иһээччилэр Мыскалы Фрунзеҕа көрсү-
һүүлэригэр, Шамбет дьонугар бэрт кытаанахтык бакааттаан:
«Сэрэниҥ, Турумбек өлбүтүн туһунан кэмин иннинэ тыл
ыһыктар эрэ буолаайаҕыт. Биһиги ону киниэхэ кэнники
этиэхпит», — диэбитэ. Онон суол устатын тухары ким даҕаны
джигит туһунан биир да тылы быктарбатаҕа.
Маруся саҥа кэлбит кыыһы өссө да көрдөһө сатыы олор-
бута.
— Дьүөгэм, кыбыстыма, ыллаа! Манна бары эн балыста-
рыҥ, бырааттарыҥ кэриэтэ дьон мустан олороллор. Бука, За-
рылы кытта кыракый сылдьан куукула оонньуургун өйдүүрүҥ
буолуо.
Оттон синньигэс сирэйдээх, кэнэн соҕус Чаргын диэн
джигит быһаччы, малтаччы баҕайытык:
— Иһит эрэ, балыһыам, мин бокуонньук Турумбегы бэрт
үчүгэйдик билэр этим. Биһиэхэ биирдэ маннык түбэлтэ буо-
лан турардаах... — диэн этэн тыаһаппыта.
Мыскал сирэйэ кытаран, онтон баастаах сирин таарыйта-
ран, кубарыйан хаалбыта.
Уолаттар уонна кыргыттар Чаргыны тохтото сатаан:
— Ааспыты ахтар туох көдьүүстээҕий? Ол түбэлтэҕин кэн­
ники кэпсээбэккин ээ, — диэбиттэрэ.
Ол гынан баран элбэх саҥалаах джигити кыайан тохтотор
кыах суоҕа.
— Мэһэйдээмэҥ эрэ! — диэн кини хаһыытаабыта. — Ту­
румбек мин доҕорум этэ. Кини уу курдук сылбырҕа, уот кур-
дук ахсым этэ. Биһиги айааһамматах, ыҥыырдамматах тыйда-
ры миинэн хас төгүл көтүппүппүт буолуой! Биһиги кинилиин
хочолор уонна хайалар хаһаайыннара этибит!.. Биирдэ биһиги
кыырт көтөрү илдьэ бултуу барбыппыт. Ол көтөр барабыай
чыычаахтан атын тугу бултуон сөбүй? Күлсүмэҥ! Биһиги
160