Page 163 - Кун кууьар хайатыттан

кыырпыт ураты кыырт этэ — оҕордук айдааннаах, хапсаҕай,
эриэн дьүһүннээҕэ. Биһиги көрүдьүөс кэриэтэ кыырпытын
тураахха уһуйан ыыппыппыт. Дьэ оҕордук биһиги сис хайа
үрдүнэн сэппэрээктэри быыһынан тыйдарбытын миинэн,
болтуобут тэллэҕин, сиэхтэрин мае мутуктарыгар тырыта
тыыттара-тыыттара, ойутан испиппит... Кыырпыт мэлийэн
хаалбыта. Көрдүү сатаан баран, туга да суох дьиэбитигэр тен-
нөн испиппит. Киҥмит-наарбыт холлон биир балаҕан таһы-
нан ааһан испиппит. Ол балаҕан аттыгар кыргыттар оонньуу
сылдьаллара, кинилэри кытта Мыскал баара. Турумбек кыр-
гыттары көрбүтэ, тыйын тохтотон баран: «Мин аналлаах
кыыһым ханна эрэ, эмиэ бу курдук дьүөгэлэрин кытта, оон-
ньуу-көрүлүү сылдьара буолуо», — диэбитэ. Кини ити курдук
этэн бүтэрин аҕай кытта, эмискэ көрө түспүппүт — кыырпыт
балаҕан үрдүгэр, биһиги диэки көрө-көрө, киэргэнэ, тумсун
соттуна олороро. «Ээ дьэ, үчүгэй болдьохтоох курдук түбэстэ:
аналлаах кыыһын ахтарын кытта көтөрбүт көһүннэ. Кыыр-
кын ыл», — диэбитим. Онно Турумбек тыйыттан түспэккэ
эрэ, кыырды илиитигэр ыныран ылбыта. Итинник түбэлтэ
буолан турардаах... Ол билгэбит олоххо киирбэтэ.
Муударай Акман холус быһыы тахсыбытын аралдьыта ох-
соору Мыскалга эппитэ:
— Иһит эрэ, тоойуом, эн кими эмэ билсиһэ кэлбитиҥ
дуу биитэр көннөрү сынньана кэлбитиҥ дуу — ону биһиги
ырытыһа барар наадабыт суох. Арай биири билэбит: Турум­
бек биһиги доҕорбут этэ. Эн биһиэхэ эмиэ чугаскын. Өскөтүн
кэпсээни уһатан-кэҥэтэн бардахха, туохха-туохха тиэрдэрин
ким билэр, биһиги Макишпыт уочараты эйиэхэ биэрдэ. Онон
ыллаа! Макиш — нуучча кыыһа, онон кинини симитиннэ-
риэххин баҕардаххына, эн нууччалыы ыллаа.
— Мин онно тоҕо симиттиэхпиний? — диэн Маруся күлэ
түспүтэ. — Мин төрөөбүт тылбынан ырыаны хата үөрүүнү
кытта истиэҕим.
Нарын-наскыл, мунчаарбыт, кэрэ Мыскал, хом санаатын
аралдьытар курдук, сиэҕин уһугунан үрдүк ыраас сүүһүн сот-
тунан баран, оргууй аҕайдык эппитэ:
— Үтүө тылгытыгар баһыыбаларыҥ. Эһиги бэрт сөпкө эт-
тигит... Мин манна аҥаардас кими эрэ көрөөрү кэлбэтэҕим.
Төрөөбүт-үөскээбит сирбин көрүөхпүн баҕаран кэлбитим;

11 -18 161