Page 161 - Кун кууьар хайатыттан

эмиэ солбуйаҕын. Эн дьоҥҥун, норуоккун бүтүннүүтүн сол-
буйаҕын. Ыллаа! — диэбитэ.
— Бэйи, Макиш, баҕар ыллаабата, үҥкүүлүүрэ буолуо! —
диэн кыргыттартан биирдэстэрэ хаһыытаабыта.
— Баҕар, үҥкүүлээтин даҕаны.
— Суох, өскөтүн бүтүн норуотум иннигэр эппиэттиир
эбит буоллахпына, мин ыллыам. Ол гынан баран эһиги миэхэ
быһаҕас кытыйа кымыһы биэрдигит. Оттон биһиги норуоп-
пут өлүүтүн толору ыларын сөбүлээччи.
Кини кытыйатын уунан тобус-толору кымыһы куттарбыта
уонна үөһэ көтөҕөн баран, лыҥкынас куолаһынан кыргызтыы
ырыаны ыллаабыта.
Мыскал кинини дьиктиргээбит быһыынан одууласпыта.
Кини: «Көрүҥ эрэ, нуучча кыыһа буолан баран, дьиҥнээх
биһиги ырыабытын ыллыыр!» — диир курдук көрө-истэ олор-
бута.
Оттон күп-күөх харахтаах Маруся, саҕалаабытын курдук
лыҥкыначчы тардан, ырыатын тиһэх күпүлүөтүн түмүктээ-
битэ. Ол кэнниттэн Маруся толору кутуллубут кымыстаах кы-
тыйаны Мыскалга биэрбитэ:
— Эн биһиги ыраах сиртэн кэлбит ыалдьыппыт, дьүөгэбит
буолаҕын. Онон билигин эн уочаратыҥ буолар, — диэбитэ.
Джигиттэр ытыстарын таһыммыттара.
— Макиш, саамай сөп!
— Кыргыттар, Марусяттан холобурда ылыҥ.
— Күндү ыалдьыппыт, уочараккын бука диэн аһарыма!
Мыскал симиттэн сирэйэ кытаран хаалбыта. Онно Макиш
киниэхэ мичээрдээн кэбиһэн баран:
— Симиттимэ ээ, эн оонньуу хайдах барыахтааҕын мии-
гиттэн итэҕэһэ суох билэҕин дии, — диэбитэ.
Мэник-мэнигийээн Гульнар саҥа кэлбит кыыска сыстаҥ-
наан баран:
— Ыллаа, эдьиэй. Чэ, баһаалыста! Эн, бука, ыраах дойду-
лартан элбэх ырыаны үөрэтэн кэллэҕиҥ буолуо, — диэбитэ.
Саҥа кэлбит кыыска эдэр ыччат тардына, туттуна соҕус,
сиэрдээхтик сыһыаннаһара. Холуе, бас баттах күлүү-элэк гы-
нар тылы кыыска туһаайан эппэт этилэр. Джигиттэр кыыһы
балыспыт диэн эйэҕэстик, аламаҕайдык ыҥыраллара. Кыс-
тык уолатгара бокуонньук Турумбегы убаастыыллара, онон
159