Page 156 - Кун кууьар хайатыттан

атынан тэбиннэрэн кэлэн, эдэр киһилии атыттан ыстанан
түһэн баран:
— Олоххутун олордоххутуна, көрүлээбэккэ-нарылаабакка
аһарбыппыт диэн кэмсинэ саныаххыт! Джигиттэр үөрэн-кө-
төн, аһаан-сиэн иһиҥ! Бэҕэһээ эһиги хонууга үчүгэйдик үлэ-
лээбиккит! — диэбитэ...
* * *
Шамбет ыараханнык ыадастан туран кэлбитэ. Кини били-
гин очуос таастан логлоруйан тахсыбыт курдук — наһаа ула-
хан этэ.
— Эн, Элебес, остуоруйаҕын атын дьоҥҥо дойҕохтоор,
биһиги билигин кымыспытын иһиэхпит. Саҥа үйэ дьоно буо-
ларбыт быһыытынан, остуоруйа кэпсээниттэн ураты, бэйэбит
туспутунан атын албан ааты хаалларыахпыт. Электростанция -
ны туттахпытына — оччоҕо бар дьон биһиги үтүө ааппытын
үчүгэйдик ааттыахтара.
* * *
Кыһыл көмүс ойуулаах эриэн кытыйаны Зарыл илиити-
гэр туппутунан тиийэн кэлбитэ. Кыра оҕо олоҕо үөрүүнэн-
көтүүнэн толорутун курдук, ол кытыйа уохтаах утаҕынан то-
бус-толору туолбут этэ. Зарыл сэрэҕэ суох хамсаатаҕын ахсын
кытыйа иһинээҕи утах дьалкыйан, иһит кытыытыгар кыла-
бачыгас арыылаах толбоннор түһэллэрэ.
Уолаттар кыргыттарга туһаайан:
— Балыстарбыт, бастаан эһиги иһиҥ. Сэгэрдэр, түргэн-
ник иһэ охсуҥ! Дьэ кымыс да кымыс! Олус үчүгэй кымыс! —
дэһиспиттэрэ.
Кыргытгар кымыска тиэтэйбэтэхтэрэ. Маннык ыраас, күн-
дэлэс күҥҥэ ханна мэнээк ыксыахтарай? Тула өттүлэрэ чуум-
пу, нусхал. Күөл долгуннурбакка мэндээрэн олорор. Ыраах
турар хайа арҕаһын көрдөххө, күөх сирэмҥэ өйөнөн, олоҥхо
бухатыыра нуктуу турарын курдук этэ.
Айганыш ол чуумпуну хайаларыттан да ордук сөбүлээбитэ.
Уһун сылаалаах хаамыы кэнниттэн дьэ уоскуйбута. Сүрдээх-
тик утаппыт, айаҕын иһэ хатан хаалбыт этэ. Кини уочарата
тиийэн кэлбитигэр, улахан истээх кытыйа быһаҕаһын биир-
дэ түһэрэн кэбиспитэ. Барытын да иһэн кэбиһиэх этэ. Ону
154