Page 18 - Кун кууьар хайатыттан

Букатын аны төннүбэт
Буурҕалыы ытыллан ааспыт кэм.
Кыраайым барахсан киэркэй
Кэнэҕэс өлбүтүм да кэннэ!

Сэргэҕэ ыксары баайдым
Сиэр аппын оҕуурдаан тутаммын.
Токтогул, ыллаан доллоһут
Кэриэс-хомуруос тойуккун!
Сүүрүк аттыы сыл-хонук көтөр,
Суох биир да кун иккиһин төннөр.

Сиэр атым турар баайыллан
Сиэл көнтөскө туомтуу тардыллан.
Күөрэгэйдии ыллаа, Токтогул,
Кэрэ буоллун кэриэс тойугуҥ!
Бу сиргэ өлөөт иккиһин
Баар дуо тиллибит диэн киһи?
Кэриэс-хомуруос тойугум,
Кэпсээ хайдах туппуттарын,
Буруйа суоҕу муҥнаабыттарын!

Төрөөбүт төрүт сирбиттэн
Түҥ-таҥ тутан үүрбүттэрин,
Хараастаммын ытаабаппын,
Хараҕым уутунан сууммуппун,
Халыргыыр хандалы кэтэрдэн
Харыбын кэдирги баайтарын,
Бар дьоммуттан арахсаары
Бырастыылаһан ыллаабыппын.

Кэпсээ, киэн кэриэс тойугум,
Кэргэммин, уолбун хаалларан,
Аал уоттан, алаһа дьиэттэн
Арахсан үүрүллэн баарпын.

Эн кэпсээ, кэриэс тойугум,
Эрэйи эҥээрбинэн тэлбиппин,
Сору сон гынан кэппиппин.
Сайына суох муус кыаһаан кыһыннаах,
16