Page 191 - Кун кууьар хайатыттан
P. 191
кытылга ыга астардым. Эмпэрэ сыыртан уйаара-кэйээрэ
көстүбэт күөл урсуна нэлэһийэн көһүннэ.
Араҕас кумах кытылга муора уутунуу күөх өҥнөөх, үрүҥ
күүгэннээх долгуннар үтүрүйсэн кэлэн охсуллаллар. Хайа кэ-
тэҕэр түһэн эрэр күн уотутган уу арыт көмүстүү кылабачыйан
күлүмүрдээн, арыт кытара кыыһан көстөрө. Ыраах саҕахха баар
нөҥүө кытылтан хаардаах хайалар арҕастара көҕөрүмтүйэллэр.
Ыаһырбыт хараҥа былыттар хайа үрдүгэр мустан эрэллэр.
— Асель, көрүүй, кубалар!
Ысык Көлгэ кубалар күһүн уонна кыһынын эрэ баар буо-
лааччылар. Саас бэрт сэдэхтик таарыйаллар. Соҕуруутган хоту
айаннаан иһэр айан кубалара биирдэ эмэ аараан сынньанан
ааһаллар үһү. Бу сүдү көтөрдөр дьолу-соргуну билгэлээн
көстөллөр дииллэр кырдьаҕастар...
Күөл киэһээҥн и урсунунан үөр куба көтөн кылбаҥныыр.
Түһэ-түһэ, эмиэ өрө көтөн кылбааран тахсаллар. Онтон төт-
төрү түһэн барылыыллар, кынаттарынан сапсыммахтаан ууну
күдээритэ ыһаллар. Күүгэннээх уу баала долгун буолан тарҕа-
нар. Сотору кубалар хонук сирдэрин булаары, ыраах баар ку-
махтаах налыы хомо диэки көтөн субуһа турдулар.
Биһиги абылаппыттыы батыһа көрө хааллыбыт. Өр саҥата
суох олорбохтоон баран, эрдэттэн тугу эрэ болдьоспут киһи-
лии, күө-дьаа саҥардым:
— Оол, кытыл үрдүнэн дьиэлэр үрүттэрин көрөҕүн дии,
ити биһиги тэрилтэбит костер. Онтон бу... — кэбиинэ иһин
эргиччи далайабын, — биһиги уйабыт! — уонна, тапталлаах-
пын илдьэр дьиэтэ суохпуттан бэркиһэнэн, күлбүтэ буолабын.
Асель истиҥ баҕайытык утары көрөөт, түөспэр бүк түстэ.
Ыга кууһан олорон, ытамньыйа-ытамньыйа, төлүтэ биэрэн
сибигинэйдэ:
— Сэгэрим оҕото, хаан уруу истиҥ киһим! Дьиэ суоҕа туох
буолуой! Аҕалаах ийэм барахсаттар миигин өйдүүллэрэ эрэ
буоллар, сатаатар, хойут хаһан эмэ... Төһөлөөх хоргута-хо-
мойо саныахтарын, кэлэйэн өлөрдүү өһүргэниэхтэрин билэ-
бин... Оттон мин таптаабыппар туох буруйдаахпыный?..
Тула борук-сорук буолан хараҥаран хаалла. Халлаан
ыаһырбыт намыһах былытынан бүрүлүннэ, күөл уута күлүгү-
рэ иһийдэ. Хайалар диэки сыбаарка уотунуу сып-сырдык ча-
ҕылҕан күлүмнүүр. Киһи хараҕын саатырдан сандаарбахтаан
189
