Page 190 - Кун кууьар хайатыттан

тыргыллар! Кэбиинэни арыйан, Асели көтөҕөн ылан олбоххо
олортум, бэйэм киирэн үөрэ-көтө уруулбун туттум.
Ханна барарбытын быһаарбакка, үлүбээй иннибит хоту
айаннаттыбыт. Ханна, тоҕо барарбыт суолтата суох. Сэргэс-
тэһэ олорон бэйэ-бэйэбитин көрсө, илиибитин даҕайса иһэр-
бит үчүгэйэ сүрдээх! Асель мин кэтэхпэр анньына сылдьар
саллаатым хортууһун көннөрөн биэрэр.
— Бу курдук ордук үчүгэйдик көстөҕүн! — диэт, бэйэ
киһитигэр эрэммиттик санныбар сыһынна.
Сыыдам массыына халлаан көтөрүнүү элээрэн айаннаан
куугунуур. Тула барыта утары сырсан сыыйыллан иһэр: ыраах
көстөр хайалар, хонуу куйаар киэҥ дуола, суол кытыытынан
сэлэлии олордуллубут тирэхтэр... Аһаҕас түннүгүнэн тыал
сирилэччи үрэр — айаммыт түргэнэ бэрт. Халлаантан күн
күлүмнүү тыгар, таһыттан киирэр салгын истиэп эгэлгэ отун,
тюльпан сибэкки хабархай, дыргыл сыттарынан тунуйар, от-
тон биһиги түөспүтүгэр ол салгыны толору тыынан, дьолбут-
үөрүүбүт таспытыгар таһымнаан төрүөтэ суох күлсэн саһы-
гыраһа иһэбит...
Иннибитигэр былыргы кунбез6 урусхалыгар олорор истиэп
сарт элиэтэ үөһэ дайан сарбайан таҕыста уонна, биһигинниин
сырсардыы, суол кытыынан тэҥҥэ көтөн тэлээрдэ.
Утары икки аттаах дьон көстө түстүлэр. Аттара сиргэнэн
туора ойбуттарыгар суолга киллэрээт, төттөрү эргитэн, тугу
эрэ уордаахтык хаһыытаһа-хаһыытаһа, кэннибититтэн ба-
тыһа ойуттулар.
— Ээй! Тохтооҥ, тохтооҥ! — дэһэн ыһыытаһаллара иһил-
лэн ааста.
Кимнээхтэрин билбэтим, баҕар, Асели билэллэрэ дуу? Со-
тору суол өрүкүйбүт буоругар мунан көстүбэт буоллулар.
Аны тэлиэгэ утары көрсөн, суолтан туораата. Уоллаах
кыыс биһигини көрөөт, сарын-сарыннарыттан куустуһан ту-
ран, эҕэрдэлиирдии далбаатастылар.
— Махтал эһиэхэ! — кэбиинэ иһиттэн үөгүлүүбүн.
Истиэп суолуттан аспаалга таҕыстыбыт, көлүөһэ сыыгынас
тыастанна. Күөл манан чугас баар буолуохтаах. Суолтан туора
сүүрдэн, сэппэрээк, иирэ талах үүммүт оттоох кырыһынан

6 Кунбез — таас чардааттаах киһи мэҥэтэ.
188