Page 193 - Кун кууьар хайатыттан

хоһуллар курдуга. Дьолун көрдүү барбыт Чолпон кыыс барах-
сан эрэйдээх дьылҕатын сүрэхпитигэр-быарбытыгар чугастык
ылыммыппыт. Оттон мин Чолпонум, сарсыардааҥҥы Чол-
бон сулуһум, аттыбар баара. Түүн үөһүгэр санныбар өйөнөн
кини утуйан буккураан хаалбыта. Оттон мин өрүкүйбүтүм
ааһан биэрбэккэ, тапталлааҕым баттаҕын, иэдэһин имэрийэн
ыла-ыла, өссө да уоскуйбакка дириҥ түгэҕиттэн эҥсэн эп-
пэҥниир Ысык-Көл күллүргэс долгунун тыаһын истэ өөр да
өр олорбутум.
Сарсыарда үлэлиир сирбэр тиийбиппит. Миигин сэттэ-
бин ылаары, дьүүллээри кэтэһэн олороллоро, ол эрээри тоҕо
тосту-туора быһыыламмыппын истэн баран, тохтообуттара.
Тапталтан сылтаан тахсыбыт быһылааны бырастыы гыммыт-
тара. Ол эрээри өргө диэри кыраан анныттан соһуччу мүччү
ойутан куоппуппун санатан элэктээн күлсэллэрэ.
Кытайга ыраах айаҥҥа анаабыттарыгар Асели илдьэ ба-
рарга быһаарыммытым. Аара кинини доҕорум аахха, Алибек
Джантуриннаахха, хаалларар санаалааҕым. Кинилэр Нарын-
тан чугас баар таһаҕас уурар ыскылааттар тастарыгар олорол­
лоро. Кэргэнэ, үтүөкэн майгылаах дьахтар, мэлдьи үөрэ-көтө
көрсөөччү. Мин кинилэргэ, кыраныыссаттан чугас олоролло-
рунан, куруутун таарыйан ааһарым.
Айаҥна хоннорбутугар аара суолга баар маҕаһыынтан
Асельга таҥас ылыммыппыт. Эрэйдээҕим кэтэ сылдьар бы-
лааччыйатыттан ураты туга да суоҕа. Эби и сибэкки ойуулаах
улахан былааты атыыласпыппыт бэккэ туһалаабыта. Аара
суолга аксакалбытын, кырдьаҕас суоппар Урмат-акены кор-
сүбүппүт. Кини ыраахтан бэлиэ биэрэн массыынатын уотун
чыпчылыҥнаппыта.
— Ассаламу-алейкум, Урмат-аке!
— Алейкум-ассалам, Ильяс! Илиигэр туппут ыытар кыыр-
дыҥ баайыыта бөҕө буоллун! — диэн үгэс быһыытынан эҕэр-
дэлээбитэ. — Аллах дьолу-соргуну, үгүс оҕону биэрдин!
— Махтал! Хантан биллиҥ, Урмат-аке? — ыйытабын.
— Ээ, тоҕойуом, үтүө сонун уостан уоска түргэнник тарҕа-
нар. Айан суолунан кынаттанан көтөр буоллаҕа...
Суол кытыытыгар кэпсэтэ туран, Урмат-аке мин массыы-
нам, Асель диэки хайыһан да көрбөтөҕө. Хата Асель, мала-
191