Page 192 - Кун кууьар хайатыттан

ылар. Ол иһин даҕаны, этиҥнээх ардах иһэрин айылҕала-
рынан таайан, кубалар хонуктуу хаалбытгар эбит. Ааһа көп-
пүттэрэ буоллар, сис хайалар үрдүлэригэр курулас ардахха
баттатыахтара этэ.
Этиҥ этэн ньириһиттэ, дохсун ардах курулаччы кутан бар­
да. Күөл уута өрө бидилийэ, кытылга бычыахтаан мөхсө түстэ.
Бу сааскы маҥнайгы этиҥнээх ардах анныгар биһиги бастакы
түүммүт үүммүтэ. Массыына үрдүгэр, кэбиинэ түннүгэр
өлгөм уу ньиккирэччи кутуллар, аллара суккуллар. Хараара
дьэбидийбит күөл үрдүгэр чаҕылҕан сытыы курбуу уота сан-
даарыҥныыр. Оттон биһиги, бэйэ-бэйэбитигэр ыга сыстан
дьылыйан олорон, отур-ботур кэпсэтэбит. Асель куттанан
биитэр дьагдьайан ибигирээбитигэр, бинсээкпин устан нам-
чы санныгар саба бүрүйэн баран, ыксары куустум. Урут бу
курдук кими эмэ бүөбэйдиэм диэн санаабат этим, чугас ки-
һиэхэ кыһаллар-мүһэллэр, араҥаччылыыр-хараанныыр диэн
тугун билбэтим. Бу истиҥ иэйии бэйэҕэр эмиэ дуоһуйууну
үөскэтэрин, нус-хас туругу биэрэрин саҥа өйдөөн сылаан-
ньыйан иэйэн олорбутум. Ол онтон бэйэбин ордук кыахтаах-
күүстээх тэҥэ санаммытым. Сэгэрим кулгааҕар: «Кыһыл
былааттаах тирэхчээним сыыһа, эйигин кимиэхэ да, хаһан
даҕаны атаҕастатыам суоҕа!..» — диэн ботугуруурум.
Этиҥнээх быстах ардах хайдах саҕаламмытын курдук со-
һуччу астыбыта. Күөл уута син биир өрө көбүөхтүү, долгун-
нура сытара, самыыр барбах таммалыыра.
Мин оччолорго баар-суох бас билэр сыаналаах малбын,
суолга илдьэ сылдьар дьоҕус араадьыйаны ылан, сөптөөх дол-
гуну булан холбоотум. Киин куорат тыйаатырыттан аатырбыт
«Чолпон» балеты биэрбиттэрин бу баардыы өйдүүбүн. Кый
ыраахтан, адаар хайалар арҕастарын нөҥүөлээн, күүстээх тап-
тал сүдү иэйиитин дьүһүйэр муусука дорҕоонноро кэбиинэ
иһин толорон дьүрүһүйбүттэрэ. Саала иһэ өрөгөйдөөх хаһыы-
нан, күргүөм ытыс тыаһынан ньиргийбитэ. Дьон толорооччу-
лар ааттарын ааттаан ыһыытаһаллара, бука, кинилэргэ сибэк-
ки дьөрбөтүн тамнаан эрдэхтэрэ. Ол эрээри, бэйэм санаабар,
саалаҕа баар көрөөччүлэрдээҕэр уордайбыттыы өрө кыынньар
Ысык-Көл кытылыгар биһиги ордук дууһалыын долгуйан,
куттуун-сүрдүүн сүүдүйтэрэн ылларан истэ олорбуппут. Ити
айымньыга биһиги туспутунан, биһиги тапталбыт туһунан
190