Page 194 - Кун кууьар хайатыттан

дьыаһыҥ өйдүү охсон, былаатын бүрүнэ быраҕынан сирэйин
кистээтэ. Онуоха эрэ Урмат-аке астыммыттыы мичээрдээтэ.
— Дьэ ити сөп! — күө-дьаа баһаарыйда. — Ытыктабыллаах
сыһыаҥҥар махтал, кыысчааным! Дьэ билигин эн кийиик-
кин, биһиги тэрилтэ саастаах дьонугар барыларыгар кийиик-
кин. Мэ, Ильяс, сиэр-туом кэһиллибэт, — харчы уунна.
Үгэс быһыытынан бэриллэр бэлэҕи ылбатаххына, киһини
хомотоҕун. Онон кыбыста-кыбыста ыларбар тиийбитим.
Асель аксакаллыын көрсүһүү кэнниттэн былаатын уһулба-
таҕа. Бииргэ үлэлиир дьоммун суолга көрүстэхпитинэ дьиҥ-
нээх кыргыз сурдугар олорор кийиит кэриэтэ, сирэйин кис-
тиирэ. Бэйэбит эрэ хааллахпытына тэбэнэттээхтик күлсэрбит.
Былааттаах олордоҕуна кини өссө кэрэтийэн көстөрө.
— Кэргэн ылар кыыһыам, сирэйгин кистээмэ, утары көрөн
уураарыый! — диэн оонньоон ааттаһабын.
— Кэбис-кэбис, аксакаллар көрүөхтэрэ! — күлэ-күлэ, кис-
тээн ууруурдук, иэдэспиттэн чоп гыннарар.
Үлэлиир тэрилтэм суоппардара утары көрсөн тохтотон
эҕэрдэлииллэр, сорохтор хонууттан хомуйбут сибэккилэрин,
бэлэхтэрин туттараллар. Хайалара тыл көтөхпүтүн билбэ-
тим, бука, бииргэ үлэлиир нуучча уолаттарбыт көҕүлээтэх-
тэрэ. Кинилэргэ дэриэбинэҕэ урууга массыынаны киэргэтэр
үгэстээхтэр. Биһиги массыынабыт эмиэ араас өҥнөөх лиэн-
тэлэринэн, сибэккинэн симэнэн ыраахтан ала-чуо дьэргэ-
йэн көстөрө. Аселлиин дьоллонон үөрэн-көтөн иһэрбит, мин
доҕотторбунан киэн туттар санаам сүргэбин көтөхпүтэ. Ыара-
хан кэмнэргэ доҕоттор хайдахтара биллэр диэччилэр эрээри,
дьол-өрөгөй түгэнигэр эмиэ атас-доҕор өйөбүлэ үөрүүлээх.
Саамай чугас доҕорбун Алибек Джантурины эмиэ суолга
көрсүбүппүт. Кини миигиттэн икки сыл аҕа, бигэ-таҕа көрүҥ-
нээх, лэҥкэгэр төбөлөөх дьоһун эр бэрдэ. Тэрилтэҕэ лоп баач-
чы сиэрдээх майгытынан, толкуйдааҕынан уонна бастыҥ суоп-
пар быһыытынан улаханнык убаастанар. Мээнэҕэ кинини
профкомҥа талыахтара дуо! Тугу этиэҕин долгуйа кэтэһэбин.
Алибек саҥата суох массыынаны эргим-ургум көрөр, би-
һирээбиттии төбөтүн хамсатар. Онтон Асели кытары илии ту-
туһан дорооболоһон эҕэрдэлээтэ.
— Ыл, суоллааҕы лиискин аҕал эрэ! — диэн модьуйар.
«Тугун баҕайытай» диэн дьиктиргии саныы-саныы, ылан
192