Page 186 - Кун кууьар хайатыттан

— Кырдьык даҕаны, туох буоллуҥ, Ильяс? — Кадича сан-
ныбыттан имэрийэн ылла.
— Мин холкуоска барыахпын наада, Кадича, миигин
ыытыый! — көрдөһөн бардым.
— Хайдах мээнэ илэй-балай тыллаһаҕын? Нэрээт суоҕун
мин хайыахпыный! — диэт, сирэйбин-харахпын уорбалаа-
быттыы көрүтэлээтэ. — Туох айылааҕын холкуоска талаһар
буоллуҥ?
Саҥата суох тахсар аан диэки сукуҥнаатым. Гарааска чу-
гаһаан эрдэхпинэ, Дьантай утары сүүрдэн тахсыбыта. Дьии-
бэлээхтик имнэнэн ылаат, арыычча кыһарыйа сыһан ааһа
көтүппүтэ.
Мин ону-маны хаһыспыта буолан, тэпсэҥнии сылдьымах-
таатым. Онтон, хайыахпыный, таһаҕас тиэнэр сиргэ тиийби-
тим. Уочаракка массыына аҕыйаҕа. Уолаттар бииргэ табах-
таары ыҥыран ыһыытаспыттарыгар кэбиинэттэн тахсыбатым.
Симэн олорор харахпар Асель миигин кэтэһэн тулуйбак-
ка-тэһийбэккэ, уҥа-хаҥас эргичиҥнии олороро көстөн кэлэ
турар. Бүгүн, сарсын, өйүүн кэтэһээхтиэ... Мин туспунан
туох диэн саныай, хоргутуо-хомойуо буоллаҕа...
Уочаратым ыган кэллэ. Иннибэр турар массыынаҕа таһа-
ҕас тиэйэн бардылар. Аҕыйах мүнүүтэнэн кыраан анныгар
киириэхпин наада. «Бырастыы гын миигин, Асель!»
— Хомойума-хоргутума дуу, истиэбим тирэхчээнэ! — саҥа
таһааран ааттастым. Ол түгэҥҥэ саҥа санаа күлүм гынна:
«Арба даҕаны, аилга элээрдэн тиийэн бырастыылаһан, туох
буолтун быһааран кэлэ охсуохпун сөп ээ! Аҕыйах чааһынан
тардыллан айаҥҥа хоҥуннахпына улахан эбит. Тэрилтэм са-
лайааччытыгар кэлин быһааран биэриэм этэ — өйдүөҕэ, өй-
дөөбөтөҕүнэ — мөҕүөҕэ. Чэ, баҕар, быыгабар да биэрдин...
Кэбис, бара сылдьыыһыбын!»
Кэнним диэки сыҕарытаары, массыынабын собуоттаатым,
ол эрээри уочаракка турааччы атыттар ыга анньан тураллар.
Оттон иннибэр баар массыына тиэнэн бүтэн тахсан барда,
мин уочаратым кэллэ...
— Массыынаҕын туруор, Ильяс, тоҕо дөйөн олороҕун! —
кырааннаах киһи үөгүлүүр.
Контейнер куусапка ууруллан эрдэҕинэ гааспын үктээн,
сулбу ойутан таҕыстым. Кэннибэр хаһыы-ыһыы, үөхсүү,
184