Page 215 - Кун кууьар хайатыттан

ону ааһан наһаа дьоллоох курдук сананным. Бу уйаара-кэ-
йээрэ биллибэт уу куйаарын уҥуор миигин кэрэ, нарын кыыс
күүтэриттэн, мин бэйэлээх киниэхэ халыҥ хахха, суон дурда
буоларбыттан, кини миигин акаары кыыс төбөтүн иирдээч-
чи курдук буолбакка, муора хоһуун рыцарын курдук ылына-
рыттан сүрэҕим олус да манньыйбыта. Оттон кини миигин
иирбит курдук таптыыра. Муораҕа бардахпына миигин эргэ
миинэҕэ түбэһэн өлөн хаалыа эбэтэр дьоппуон браконьерда-
рыгар билиэн түбэспитэ буолуо эҥин диэн мэлдьи куттанара.
Этэҥҥэ эргиллэн кэллэхпинэ үөрэн ытыыра, мэлдьи батыһа
сылдьара, көрө түстэхпинэ тоҕо эрэ дьик гынан ылара. Он-
нук икки сыл олорбуппут. Билигин эргитэ санаан көрдөххө,
мин оннук тапталтан аһара сылайбыт, акаары баҕайытык кө-
ҥүлбүн күөмчүлэппит курдук эбиппин. Оруобуна ити кэмҥэ
кини эргэ тахсыах буолбут уола аармыйаттан кэлбитэ. Онтон
сылтаан мин күнүүлээбитэ буолан, сатала суохтук уорбалаа-
быта буолан, кэргэммин соруйан эрэйдиир буолбутум, элбэх-
тик этиһэр, ытаһар-соҥоһор этибит. Ону тулуйбакка биирдэ
ылла да, хомунан ийэтигэр баран хаалбыта.
М и н. Үөрдэҕиҥ аҕай дии?
А з и з. Суох, хата куттаммытым, эккирэтэн тиийэн төнүн
дии сатаабытым да, кини кытаанах буолан биэрбитэ. Хата:
«Мин эйигин таптыыбын, эйигин эрэ сөбүлүүбүн, ол иһин
эн миигин аһынаҥҥын ыал буолан олоруоххун баҕарбап-
пын», — диэтэ. Баара-суоҕа сити курдук буолан тахсыбыта.
Ону эн туох дии саныыгыный?
Мин. Аньыы даҕаны, мин ону ырытыам дуо? Билбэтим...
Баҕар, туохха да улаханнык күһэйбэт, эбээһинэстээбэт сы-
һыан баара ордуга дуу, холобура, ити эбисийээнэҕэ курдук
сыһыан...
Азиз. Арба даҕаны, бу Бурбон Второйу мин эйиэхэ бэ-
лэхтээри аҕаллым. Баҕар, кини эйиэхэ били плюшевай эһэ-
чээнтгин солбуйуоҕа... Оттон бу кини — эмиэ дубликат ээ...
Мин. Ээ, Бурбон Первайы эн кимиэхэ бэлэхтээбикки-
ний?
Азиз. Кини өлөөхтөөбүтэ.
М и н. Ол хайдах? Кини тыыннаах этэ дуо?
Азиз. Тыыннах этэ. Наһаа сытны, наһаа мэник эбиси-
213