Page 295 - Кун кууьар хайатыттан

— Акаары дьахталлар, акаары! Туохтан ытыыгыт! Харыс-
тааҥ хараххыт уутун, халтайга тоҕумаҥ...
Аул олохтоохторо Батма чуор куолаһыгар үөрэммиттэрэ,
кини ыҥырыытын иһиттэллэр эрэ түүн да, күнүс да ойон
тахсарга бэлэмнэрэ. Буолумуна! Батма кинилэргэ үчүгэй со-
нуннары таһара. Сүрэхтэри эрэлинэн кынаттыыра. Сороҕор
дьахталлар уонна эмээхситтэр сурук таһааччыттан хаһан баҕа-
рар сонун истиэххэ сөп диэн, Батманы төгүрүйэн туран фронт
бүтэһик сонуннарын ыйыталаһаллара.
«...Туох да буолбутун иһин, өйдөөҥ — кыайыы биһиэнэ
буолуоҕа. Биһиги уолаттарбыт фашистары кыайыахтара!» —
диэн түмүктүүрэ Батма.
Аулга сурук таһааччы суор хара атын Дьоруолаах диэн аат-
таабыттара. Сэриигэ соҕотох уолун атаарбыт сааһырбыт дьах-
тар Сонунбубу ити ааты иҥэрбитэ. Батма киниэхэ фронтан
кэлбит икки үөрүүлээх суругу суор хара атынан аҕалбыта,
Сонунбубу соҕотох олороро, сааһырбыт кэргэнин өссө сэрии
иннинэ көмпүтэ, ол иһин уолун, кини олоҕун эрэлин, сурук-
тара ордук күндүлэрэ.
Почта дьиэтэ айан суолун кытыытыгар турар. Онтон аул­
га ыллык суол тахсара, Батма онон атынан сүүс төгүл, суох,
тыһыынча төгүл төттөрү-таары сырыттаҕа. Ыллык суол соччо
уһуна да, кылгаһа да суох. Ол эрэн, Батма аултан почтаҕа
айанныыр кэмигэр, чэй оргутуохха сөп. Силбиккэ-курааҥҥа,
тымныыга-куйааска хаһан баҕарар бу ыллык суолга Батманы
атын миинэн иһэрин көрүөххэ сөп.
Аулга Батматтан куруук үчүгэй эрэ сурахтары күүтэллэрэ,
хайа эмэ күн хара суругу биир дойдулааҕар тиксэриэ диэн ким
да толкуйдаан көрүөн баҕарбат этэ. Амарах Батма мэлдьитин
үөрдүө уонна кинилэр аулларын алдьархайтан араҥаччылыа
дии саныыллара.
Ол эрэн, ол күн үүммүтэ. Батма бүгүн хара суругу тутга-
рыахтаах. Кимиэхэ эмит буолбатах, сир үрдүгэр баар соҕотох
уолун сүтэрбит билигин аҥаардас хаалбыт Сонунбубуга.
Дьэ Батма соннук аһыылаах сураҕы илдьэ иһэр. Маҥнай-
гы уонна бүтэһик буолбатах. Кутурҕан кини сүрэҕин ыга ту-
тара. Хара суумкатыгар атын суруктары кытары сэргэ сытар
кырыыстаах кумааҕыттан сылтаан баттаҕын үргэнэ-үргэнэ
хаһыытыан баҕарара.
293