Page 294 - Кун кууьар хайатыттан

ма үрүйэ дьүрүскэн тыаһыгар үөрэммитэ, көрбөккө да сыл-
дьан ханна баҕарар арааран ити тыаһы билиэх этэ.
Кини мэлдьитин үрүйэҕэ суор хара атын уулатан ааһара.
Ол эрэн бүгүн...
Батма олоҕо судургута суох этэ. Сэрии саҕаланыаҕыттан
кырдьаҕас дьахтар санныгар иэдээн хаста эмитэ тайанан аас-
пыта. Бастаан уола, онтон кэргэнэ сэриигэ барбыта. Ыарахан,
уустук кэмнэр этэ. Батма тулуспута.
Өссө сэрии хара саҕаланыаҕыттан Батма сурук таһааччы
суумкатын кимиэхэ эмит сүктэриэн баҕарбыта. «Бааһынаҕа
дьүөгэлэрбин кытары үлэлиэм, оннук ордук», — дии са-
ныыра. Сүрэҕэ таайара, сотору фронтан дьону харах уутунан
сууннарар сурахтар кэлиэхтэрин. Батманы солбуйар киһини
булбатахтара. Ким да сөбүлэспэтэҕэ! Соннук, сурук таһааччы
суумкатын кытары хаалбыта уонна тиһэҕэр сөбүлэспит кур-
дук буолбута.
Фронтан суруктар, военкоматтан бэбиэскэлэр — барыта
Батма илиитин иһинэн ааһаллара. Сааһырбыт дьахтар сурук
таһааччы эппиэтинэһин олус бэрээдэктээхтик, дьоһуннук,
үлэтин суолтатын толкуйдаан да көрбөккө толороро. Оттон
дьон анарааттан кэлэр сонуннары, үс муннуктаах суруктары
сыллыы-сыллыы, уола эбэтэр кэргэнэ суруйбут хас биирдии
тылларын иҥсэлээхтик ааҕалларын көрөн, оччолорго Батма
дьэ өйдөөбүтэ суруктар тылларыгар төһөлөөх күүстээх тыын
иҥэриллэрин.
Суумкатыгар ыга симиллибит суруктар Батманы үөрдэл-
лэрэ да, куттууллара даҕаны...
Сороҕор кэргэниттэн күүтүүлээх суругу туппут дьахтар,
аахпыт тылларыттан үөрэн ытамньыйан ылара. Батма харах
уутун сөбүлээбэт этэ.
— Бай, акаары дьахтар, бүт ытаан. Үөрүөх тустаах этиҥ,
оттон эн... Өскөтүн ытыыр буоллаххына, аныгыскыга сурук-
кун биэриэм суоҕа!
Батма ол эрэн тас эрэ көрүҥүнэн эрэ кытаанах этэ. Кини
эмиэ сурук тутааччылары кытта тэҥҥэ үөрсэрэ, аҕалбыт суру-
гун улаханнык ааҕан иһитиннэрдэхтэринэ эрэ тахсан барар этэ.
Сурук ааҕылынна, ырытылынна, дьэ оччоҕо Батма атынан
салгыы айанныыр, бэйэтэ бэйэтигэр ботугуруу-ботугуруу:
292