Page 30 - Кун кууьар хайатыттан

САРЫ-ЧЕЛЕК КҮӨЛ

Үрүҥ күн аннын кэрийбитиҥ иһин,
Булуоҥ суоҕа маннык үтүөкэн күөлү.
Мин тохтообутум киниэхэ түөрт күн,
Сүүс сыл олорор сүдү күүстэммитим.
Оргууй талбаара сытар долгуна
Миэхэ туох туһунан этэрий?..
Үрдүбэр — аарыма туруук таас хайалар.
Күөх халлаан килбиэнэ күндээрэр.
Манна уута да хаар тэҥэ ып-ыраас,
Хайа өрүстэрэ дьэҥкэрэ уста сыталлар.
Сары-Челек уутугар күлүкпүн көрүнэн,
Бытыкпын хоруна оҕустум.

Хомойуоҥ иһин тулаҥ иччитэх,
Аҥаардас сэппэрээк элэтэ сэрбэйэр.
Айылҕа маннык дьикти муннугар
Уолдьаста курорт тутан дьэргэтэр.

Арай манна олорор буоллун
Дойдутун курдук кэрэ кыысчаан,
Кинини эмиэ таптал, хайҕал тыла
Бу күөл курдук умсугутуо этэ.

Николай Босиков тылбааһа

ИТИИ КҮӨЛ

Сайыҥны куйаас!
Сири, саады
Күн кууһар күлүмнүү!..
Эчи итиитин.
Биһиги күөлгэ сүүрэбит
Сөрүүн ууга сөтүөлүү...

Умсабыт, долгуннуун уураһабыт,
Дьэҥкир ууга харбыыбыт, чомполонобут.
28