Page 31 - Кун кууьар хайатыттан

(Ууттан тахсыа суохпут туох да иһин!)
Тымныыттан кубарыйа сыспыт
Мин доҕорум ыйытта: «Эт эрэ, бу күөлү тоҕо
Кыргызтар Итии Күөл дииллэр, туох иһин?»
«Иһит эрэ, доҕоруом,
Бу киэҥ толоон үрдүгэр
Эһэлэрим үгүс этиҥи көрсүбүттэрэ.
Ийэлэр аҕалары атаараллара,
Иэйэ-туойа ытыыллара».

КҮӨЛ ТУУСТААХ УУТА

Оҕотугар — баатырга күүс эбэрэ.
Кыыс оҕо күөл уутугар көрүнэрэ,
Көрүннэр эрэ тупсан иһэрэ.
Хос эһэм өлөр күнүгэр,
Эдэр сааһын ахтан кэлэ-кэлэ,
Кэриэһин эппитэ сиэннэригэр:
«Таптаарыҥ сиргитин — Итии Күөлү!»
Көстүбэт уотунан сылыйар
Бу күөл өрүү сылаас турар.
Кинини итиитик таптыыбыт,
Ол иһин Итии Күөл диибит.

ҮТҮӨ ДЬОН ӨЛБӨТҮННЭР ээ

Эмэн соҕус дьахтар өллөҕүнэ
Этэллэр аймах дьонноро:
«Өллө эдэр эрдэҕинэ,
Бүтгэҕэ олох олорон!..»

Оттон аилга джигит1 өллүн,
Уруулара ахталлар өр:
«Күөгэйэр күнүгэр сылдьан
Өлөн хаалла ээ, көр!..»

Джигит — хорсун санаалаах эр киһи.
29