Page 338 - Кун кууьар хайатыттан

таһаарыаҕа уонна этиэҕэ: «Дьэ түбэстиҥ ээ, Бекбосун! Сэп-
кин бырах уонна илиигин өрө уун!» Онно туох баарый? Ха-
йыахпыный, быһыччабын быраҕыам, илиибин өрө уунуом.
Кини чугаһаан кэлэн, таҥас бүтэй тутан-бигээн көрүө — тугу
эмэ биилээҕи-уһуктааҕы кистэммитэ буолуо диэн. Ол кэннэ
этиэҕэ: «Дьэ аны оройуон киинигэр бардыбыт, онно дьон-
сэргэ дьүүлүгэр, суут иннигэр туруоҥ». Оччоҕо туох диэхпи-
ний, оройуон киинигэр тиийдэхпитинэ? Итинник буолан хаа-
лыаҕын билбэтэҕим диибин дуо? Итирик уонна ыалбар олус
абаккарбыт этим диибин дуу? Кутталбыттан, итиэннэ ити­
рик буолан куоппутум диэн этэбин дуо? — кини сүр ыара-
ханнык өрө тыынна уонна хараҕын быһа симтэ. — Миигин
суукка буруйдууллара оннук айылаах амырыын суол буолба-
тах... Мин дьоҥҥо харахтарын утары көрдөхпүнэ туох диэх
муҥмунуй? Оттон бары: «Сор суоллаах Шумкалпак баҕайы,
эбээтин киһилии харайбакка, итириктээн баран, бурдуту уот-
таабыт, бэйэтин дьаабытын түмүктээн... Ити саат-суут, ол
онтон хара өлүөххэр диэри төлөрүйбэккин, тугунан даҕаны
ол кирин-хоҕун кылбата сууйбаккын!.. Эбиитин ыалын ытын
уоттаабыт эбээт... Өлөрбүт эрэ буолбатах, тыыннаахтыы ума-
тар диэни ким ханна истибитэй!.. Дьонтон ыраах, хайаҕа эрэ
бүгэригэр тиийэр, устунан букатын даҕаны кыыллыйан...»
Хапчаан диэкиттэн салгын билиннэ. Биллэ сөрүүдүйдэ.
Шумкалпак хараҕын арыйда. Ханна эрэ мэкчиргэ хаһыырда.
Ол саҥаҕа Шумкалпак туох эрэ этиллибэтэх кистэлэҥи, кими
да кытта үллэстиллибэтэх курус санааны, кистэниллибит ха-
рах уутун истэргэ дылы гынна — хайдах эрэ ыалдьыбыт кэрэ
куо сыналыйа ынчыктаабытын кэриэтэ...
«Ити мэкчиргэттэн туох уратылаахпыный? — эмискэччи
кыыһыра санаата Шумкалпак. — Кини чороҥ соҕотох, мин
соҕотохпун... Туох да уратыбыт суох! Кини итинник олоххо
үөрэммит эрэ, оттон мин иликпин...»
Кини маймындьааннаах уонна лэппиэскэлээх бэргэһэтин
хаба тардан ылла, ол кэннэ борунуйга барбах саһарымтыйар
кээһии диэки хаамта. Сотору кэминэн бэйэтин ордуутугар
сылыйа быһыытыйан ыарахан уутугар баттатан хаччыгынаа-
бытынан барда.
Атыыр чубуку айаарарыттан уһугунна.
— Дьэ эмиэ ыт дии, — Шумкалпак аахайбаттыы баллы-
336