Page 340 - Кун кууьар хайатыттан

тин дьөлөҕөһүгэр сылыпыс гынна уонна хамныан да куттанан
лигиччи сытынан кэбистэ.
«Ити туох буолан ыһыытаан турдум? Ама дуу, хайа сах
төбөбүнэн бырахтардым, иирдим дуо? Эбэтэр ыарыйдым дуу?
Хараарчы булкуллубут сордоох кэриэтэ ханнык эрэ чыычаах
дуомугар үөрдэхпин көр, эбиитин кыра уолчаан курдук ха-
һыытаан быһа сытыйдым дии...»
Кини бэйэтин өр мөҕүтүннэ. Буҕарҕананы уруйдаабытыт-
тан уонна бэйэтэ бэйэтин мөҕүттэриттэн күлэ санаан баран,
биирдэ тохтоото.
Онтон эмиэ кыйыттан турда.
«Маннык уһуура-кэҥиирэ хайдах да сатаныа суох. Онтон
атын буоллаҕына, мин чахчы бырахтарабын. Быыһанар суолу
көрдөөтөххө табыллар. Булгуччу көрдөөтөххө сатанар... Бул-
гуччу көрдөөтөххө сатанар...» — кини сыыйа уоскуйа быһыы-
тыйбыта.
«Тугу оҥоруон сөбүй? Арай аптаах киһиэхэ кубулуйан,
аилга теннере буоллар... Бэйэтин тыраахтарыгар олорон ба­
ран, били умайбыт бааһынаны хорутуох, онтон тута бурдук
олордон кэбиһиэх этэ... Дьон үлэтигэр барыытыгар ол олор-
дубут бурдугум урукку оннугар долгулдьуйуох этэ!.. Оччоҕо
мин сарсыарда хонтуораҕа, бары мустар сирдэригэр, бэрт
наҕыллык хааман лэппэрдээн тиийэбин уонна күлэ-күлэ этэ-
бин: «Эһиги туох дии санаабыккытый, бурдук умайбыт диэн
дуо? Оттон баран көрүҥ ээ, бурдук турбутун курдук турар,
хаһан хомуур саҕаланарын күүтэр!» Башкарма бэйэтинэн хон-
туораттан ойон тахсыах этэ, кинини кытары били, тоһоҕону
ыйыстан кэбиспит курдук, милииссийэ. Кинилэр, чугаһаан
кэлэн, мин илиибин ыга тутан баран, этиэхтэрэ этэ: «Чахчыта
биһиги бурдук умайбыт диэн сурахтан олус куттаммыппыт.
Ол араллааныгар эйигин көрдөөбүппүт даҕаны». Оттон хон-
туора таһыгар мустубут дьон, күлэн алларастыы-алларастыы
этиэхтэрэ: «Ээ дьэ, Шумкалпак! Чахчы да дьиҥнээх бэргэһэ-
лээх дьээбэһит!..»

Кини санаата, оҕо мичээрин курдук, тэтэркэйэ, сырдыга,
чаҕылхайа.
...Чап-чараастык сайан сааскы кэм тиийэн кэлэр...
Бейшеке аил күн сардаҥаларыгар тимирэр.
338