Page 337 - Кун кууьар хайатыттан

Эмискэ сагызган чардырҕаата. Тыһы чубуку дьигис гы-
наат, түгэҥҥэ иһийэн ылла, онтон тыбыыраат, биир ойуу-
нан харыйа бэрдьигэскэ сүтэн хаалла. Онооҥҥо диэри холку
сыппыт атыыра, соччо баҕарбатахтыы, нэстик туран кэллэ,
уунаҥнаата уонна ол эрэ кэннэ тыһытын кэнниттэн чэпчэки-
тик сиэлэн сэгэлдьийдэ.
Сагызган чардыргыыра тохтообото.
Хотоол түгэҕинэн ааһар ыллык суол устун Шумкалпак сар-
сыарда көрбүт уолчаана айаннаан иһэрэ. Айанньыт кэннигэр
ыт батыһыннарыылаах. Ыҥыырыгар тугу эрэ төргүүлэммит.
Шумкалпак, сэрэххэ, окко хаптайан сытта.
«Мантан бардахха сатанар, — дни санаата кини. — Бастаан
санаабытым курдук, олус түҥкэтэх сир буолбатах эбит. Ким
эмэ элэҥэскэ көрүө кэрэх, тута сурах-садьык тарҕаныаҕа,
хайаҕа илдьирийбит таҥастаах быралгы киһи сылдьар диэн.
Оччоҕо башкарма Джунушаалы уонна унньуйбут милииссийэ
даҕаны ким хайаҕа дугуйдаммытын тута таайыахтара...»
Айанньыт ыллык тоҕойугар киирэн сүттэ, ат туйаҕын
тыаһа иһиллибэт буолла.
Шумкалпак маймындьааннаах бэргэһэтигэр тиийдэ, кыр-
дьаҕас маныыһыт биэрбит лэппиэскэтин тооромоһун ылан,
анаарын охсон кэбистэ, сорҕотун, иҥсэрдэр даҕаны, сар-
сыҥҥыга диэн туора уурда. Бүгүн кини онто да суох бэркэ
аһаата, аччыктаабытын аһарынна, онно эбии маныыһыты
кытта тото кэпсэтэн санаатын-оноотун сайҕаата.
Салгыы атын санаа киирдэ: «Арай ыйы-ыйынан кими да
кытта кэпсэтимэ? Бука, иирэриҥ буолуо ээ... Уонна хаһан ки­
ми эмэ көрсүөхпүнүй? Көрүстэхпинэ даҕаны бүгүҥҥү маныы-
һыт курдук амарах санаалаах буолуо дуо ол киһим? Эбэтэр...»
Били унньуйбут милииссийэ сирэйэ илэ бааччы көстөн
кэллэ.
«Кини илиитигэр түбэстэрбин эрэ мин туох да үтүөнү
көрбөппүн!.. Арай, кини кырбыа суоҕа, бэйэтин кыатаныаҕа.
Сокуон баар буоллаҕа, олохтоммут бэрээдэк... Кини чугаһаан
кэлэн көннөрү ыйытыаҕа: «Тоҕо бурдугу уоттаатыҥ?» — диэн.
Суох, кини оннук ыйыппат эбит, итини силиэдэбэтэл ыйы-
тыаҕа. Оттон милииссийэ: «Тоҕо куоттуҥ?» — диэн ыххайыа-
ҕа. Суох, ити эмиэ силиэдэбэтэл ыйытыга эбит. Кини көннө-
рү миигин көрдөөн булуоҕа, саһан сытар сирбиттэн хостоон
335