Page 336 - Кун кууьар хайатыттан

көрүҥэ айылҕа намчытын, нарынын, уйанын, кыыс туҥуйун,
уранын, судургутун кэрэһилииргэ дылы...
Шумкалпак эһээтин — туртастары, чубукулары бултаан
аил дьонун барытын этинэн аһаппыт, онтун иһин аил эмээх-
ситтэрэ, оҕонньотторо киэн тутта кэпсиир улуу булчуттарын
Уметаалыны — санаан кэллэ. Ол эрээри ити кэрэ бэйэлээх
тыһы чубуку бэргэн ытыыттан өлүөҕүн санаан, Шумкалпак
сүрэҕэ бу түгэҥҥэ сып-сытыы ыарыыттан хам тутта — кини
дьон эһээтин киэн тутта ахталларыттан кыратык да үөрбэтэ.
Хайдах маннык кэрэ барахсаттарга илиигин көтөҕө турбутуҥ
буолла? Бу көмүскэлэ, харысхала уонна туох да буруйа суох
айыы оҕолорун хааннарын туох буолан сүүрүгүрдэ тоҕорго
санаммытыҥ эбитэй? Хайдах сып-сытыы кип-килэбэчигэс
булт быһаҕынан ол барахсаттар эттэрин-сииннэрин быһы-
та-тырыта сотой, хол-буут арааран үөрэҕэстии турбуккунуй?
Уонна кэлэн эйигин Туртас Иччитэ кыраабат буолуо дуо?
Ханнаный билигин эн биэс уолуҥ, улуу булчут? Ханнаный
мин ийэм? Кини баара буоллар, бэйэтин туһунан, бука, бил-
лэрбит буолуо этэ, миигин булуо этэ... Оттон мин ханнабы-
ный? Дьэ быһаар дуу, улуу булчут Уметаалы, мин ханна баар-
быный, туту гынабыный? Ити барыта буруйа суох туртастар,
чубукулар хааннарын тохпутуҥ иэстэбилэ буолбатах дуо? Ама,
эн, улуу Уметаалы, бэйэҥ аскын-үөлгүн булунар, дьиэ кэр-
гэҥҥин, ыалларгын аһатар атын идэни-ньыманы булбатаҕыҥ
буолуо дуо, өлөрөртөн-кыргартан уратыны? Суох, биһиги
дьоллонор кыахпыт суох, улуу булчут, оннук кыахпыт суох!..
Онтон Шумкалпак аан бастаан манна туртаһы көрбүтүн
санаата, онно хаана оонньообута ахан, эһэ тайаҕын хаппыт
умнаһыттан саа курдугу оҥостон, ис-иһиттэн имэҥирэн тур­
тас түөһүн, сүрэҕин, сүүһүн, килэбэчийэр харахтарын кыҥа-
талаан ылбыта... Ол бэйэтин билигин кэлэн абааһы көрдө.
Оттон биирдэ кини илэ бэйэтэ туртас чоххо саллан, үтэн
буһарыллыбыт быарын сиэбитэ. Ол быар тааска кубулуйбута
буоллар! Ол быары оол көстөр нарын таһааны тырыта тардан
хостоотохторо!.. Оҕо сылдьан сыҕайынан оонньууллара, кини
туртас сототун унуоҕун эпчиргэ оҥосторо. Онно сыҕайдары
буолбакка, бэйэтин сүүһүн лоһурҕатыахтаах этэ!.. Ол эпчир-
гэлэри оол көстөр нарын-намчы атахтары тоһута сынньан
ылаллара эбээт...
334