Page 355 - Кун кууьар хайатыттан

даҕаны уостубат күүһү-эрчими биэрбэт эбит — эмискэ хараҕа
хараҥарда, атахтара мастыйан хааллылар, мэйиитэ эргийдэ
уонна бэйэтэ түгэҕэ биллибэт туох эрэ дириҥ аҥхайга таҥха-
лыйа турда, ону кытта дьэ ураты дьикти холкутуйуу, уоскуйуу,
нуурайыы кинини саба бүрүйэн кэбистэ...
...Шумкалпак оннук төһө өр сыппыта буолла, хараҕын
арыйбытыгар киэһэрэн эрэр халлаан көҕөрөр унаара көстүбүтэ.
Кыыһы быыһаары ууга ыстаммытын санаабыта.
«Ол хаһан этэй? Бүгүн? Эбэтэр бэҕэһээ? Тоҕо мин ууга
ыстанан киирбиппиний?»
«Кыыһы быыһаары».
«Оттон кини кимий?»
«Билбэппин, кинини аан бастаан көрөбүн».
«Оттон эн кэннигиттэн туох дьоно, сүлүгэс маһынан дал-
баатана-далбаатана, сырсыбытгарай?»
«Ким да сырсыбатаҕа, били кыыс өлө куттаммыт дьүөгэ-
лэрэ хаһыытыы-хаһыытыы сүүрэн испиттэрэ дии».
«Ол кэннэ сырсааччылар ханна сүтэн хаалбыттарай? Эбэ­
тэр миигин туппуттар дуу?»
«Ким да эйигин сырсыбатаҕа».
«Оччоҕо мин ханна баарбыный?»
«Хайа эрэ талах быыһыгар».
«Оттон ол кыыс хайдах буолбутай?»
«Эн кинини кытылга соһон таһаарбытыҥ».
«Оччотугар мин киһини быыһаабыппын дуо?»
«Оннук, эн кинини быыһаабыккын».
«Арай, кини син биир өлөн хаалбыт буоллун?»
«Суох, антах кини дьүөгэлэрэ бааллара, кинилэр кыыска
көмөлөспүттэр. Кинилэр кэмигэр сүүрэн кэлбиттэр, оттон эн
кинини кыл мүччү ууттан хостоон таһаарбыккын...»
Кини туруон баҕарбыта, ол эрээри этин-сиинин сытыы
ыарыы курдары саайбыта, ону кытта ынчыктаабытынан сиргэ
сууллубута.
Онтон эмиэ кыыс туһунан санаабыта.
«Чугас дьоннооҕо дуу? Олус дьиктиргииллэрэ буолуо, ки­
нилэр, бука, айыы санаалаах иччи быыһаабыт диэхтэрэ, кыр-
гыттар миигин өйдөөн көрбүттэрэ биллибэт. Уонна кыыска
да соччото суох буолуо, кини кус сыгынньах кэриэтэ сыта-
рын туора эр киһи көрбүтүн билэрэ... Кини миигин дьылҕата
353
23-18