Page 354 - Кун кууьар хайатыттан

киһини ситэн ылла уонна ууга намылыйар уһун баттаҕы көрө
биэрдэ. «Кыыс?!» — түгэҥҥэ соһуйан ылла, онтон сүүрүк
кыыһы тэйитэ охсон эрэрин көрөөт, кини уһун суһуоҕун ха-
рытыгар эрийэ тарда оҕуста.
Бүтэһик күүһүн түмүнэн, Шумкалпак кытылга харса суох
дьулуста. «Хайдах эмэ гынан кыыс суһуоҕун ыһыктыбатах
киһи!..» — дии саныыр.
Сүүрүк кинилэри ууга умса түспүт үөт лабааларыгар сабаа-
та. Шумкалпак олортон тардыста сатаата да, инчэҕэйэ бэрт,
ытыһыттан ньылбырыйа тураллар. Ол да буоллар, атаҕар тур-
да. Кыыһы бэйэтигэр тардан ылла, онтон икки илиитинэн
хонноҕун анныттан тутан, охто-охто, кытыл диэки состо.
Син кытылга тахсан, быыһаабыт кыыһын аттыгар хам-
сыыр да кыаҕа суох бөтүөхтүү сытта. Онтон, кыыс кэнниттэн
сырсан испит дьүөгэлэрин санаан, бэйэтин күһэйэн турда.
Кыыһы көрдө. Кыыс хамсаабакка сытар. Илдьирийбит та-
ҥаһын быыһынан санна, түөһэ көстөр. Шумкалпак бэйэтин
көһүйэн такыччы тардан хаалбыт илиититтэн кыыс баттаҕын
балай да эрэйдэнэн араарда. Кыыһы хос көрдө. Кини хайыта
тардыллыбыт санныгар хаан оҕуолаан эрэр. Сирэйин көрөн
кимин билбэтэ, ол эрэн кыыс быһыытын-таһаатын урут көр-
бүт курдук эбит...
Эмискэ хараҕар чээлэй күөх беде үүммүт хонуута көстөн
ылла: дьикти чэпчэкитик тиэрэ быраҕыллан сытар төбө уонна
уһун субурхай суһуох, уохтаах уурабылтан үллэн тахсыбыт тэ-
тэркэйдиҥи кугас тумуктар...
Ити кэмҥэ чугас соҕус кыргыттар хаһыытаһаллара иһи-
линнэ.
Били көстүү сүтэн хаалла... Шумкалпак кыыһы умса эр-
гиппитигэр айаҕыттан уу тоҕунна. Хайыы үйэ атахтар тыаста-
рын уонна талахтар тоһутталаналларын истэр буолла. Эмискэ
түүлүгэр көрбүт кинини сырсар-сойуолаһар дьонун халҕаһа-
та сүүрэн иһэр дии санаата — үллэ кыыһыран ханньайбыт
сирэйдэри көрөргө дылы гынна, кулгааҕар «күрүөйэх!.. бу
сылдьар!.. түргэнник тутуҥ-тутуҥ!..» диэн суоһар хаһыы иһи-
линнэ...
Хамсаабакка сытар кыыс диэки хос хайыһан көрдө. Ол
кэннэ Шумкалпак хатыылаах талахтарга сылыпыс гынна уон­
на бөкчөччү туттан сүүрэн сыбдыкычыйда. Ол эрээри куттал
352