Page 358 - Кун кууьар хайатыттан

балааккатын таһыгар дуу, бэйэтин буор холомотугар дуу. От­
тон чап-чаҕылхай сулустар, соруйан гыммыт курдук, адьас
аллара ыйанан тураллар — илиигин ууннаргын эрэ харбаан
ылыахчаҕын...
Бу түгэҥҥэ Шумкалпак сулустары, тоҕо эрэ, Халлааны
уонна Сири маныыр түүҥҥү харабыллар дни санаата. Үтүмэн
элбэх харабыл кинилэри сиэмэхтэртэн сэргэхтик кэтииллэр...
Шумкалпак хараҕын умса көрдө.
— Миигин аһыныҥ... — кини, титирэстээн ыла-ыла, са-
ҥарда. — Миигин аһыныҥ... Мин кутум-сүрүм туоһу, эһиги
бэйэҕит туоһуларгыт, мин хаһан да итини оҥоруохпун баҕар-
батаҕым. Аһыныҥ миигин...
Кини, өйөбүл көрдөөбүттүү, төбөтүн хантаппыта, оттон
сулустар кинини олус болҕомтолоохтук көрөллөрө, санааты-
гар, салгыы тугу этэрин күүтэр, кэтэһэр курдуктара.
— Миигин өйдөө дуу, мин муммут сулуһум... Эн бэйэҥ
көрөҕүн, мин хайдах-туох буолбуппун. Өйдөө дуу, мин үтүө
санаалаах сулуһум!.. Өскө эн сатаан саҥарарыҥ буоллар, ха-
йыы үйэ эппитиҥ ырааппыт буолуо этэ, эйигин хайдах булан
санаабын-онообун сайгыырбын. Барытын кэпсиэм этэ, ону
эн барытын өйдүөҥ этэ... Буруйдаама дуу миигин!..
...Шумкалпак балааккаҕа үөмэн кэлэн киирбитин бэйэтэ
да өйдөөбөккө хаалла.
Түүн ортото ааспыта ырааппыт этэ.
Кини тохтоон иһийэн ылбыта. Өрүс тыаһа утуйа сытаач-
чылар биир тэҥник сурдургуу тыыналларын саба охсубат этэ.
«Аһылык!» — чабырҕайыгар биир санаа быһыта кэйэрэ.
Кини такымыгар олорон илиитин иминэн ас көрдөөн хар-
быаласпыта. Илиитэ туруору анньыллыбыт тоһоҕо маска кэ-
тиллибитэ. Астаах долбууру тутан турар тоһоҕо дии санаабыта.
Сэрэнэн ытыһынан даҕайан туран иһэн долбуурга кэтиллиби-
тэ. Кини, оннук бэрт табыгаһа суохтук туран, долбууру харбыа-
ласпыта. Онно туох эрэ эмп дуу, дьаат дуу икки кыра бытыыл-
ката, холбука, ардьаҥ тиистээх тараах уонна кинигэ бааллара.
Атын өттүгэр хайыспыта, эмиэ илиитин ууммута, онто тута
килиэптээх куулга кэтиллибитэ. Салҕалас илиитинэн, долгу-
йан көлөһүн-балаһын алла-алла, Шумкалпак куулу туппа-
лаан, бигээн көрүөлээбитэ, ити килиэп буоларын хайдах
даҕаны итэҕэйбэт этэ. Ити кэмҥэ кини сэрэҕин адьас сүтэрэн
356