Page 359 - Кун кууьар хайатыттан

кэбиспитэ. Куулу холустук бэйэтин диэки тардыбыта, онто
холооно суох чэпчэкитик хоҥнубута, Шумкалпак, тардыбыт
күүһүн омунугар, дэлби көһүйэн хаалбыт атахтарыгар кыа-
йан уйуттубакка, сууллан түспүтэ. Өрүттэ сатыырыгар илиитэ
туох эрэ сылааска, сымнаҕаска тайаммыта.
Дьахтар хатан часкыыра Шумкалпагы киниттэн киэр бы-
рахпыта. Ойон турарыгар балаакка үрүтүгэр төбөтүнэн охсул-
лаат, эмиэ сууллан хаалбыта. Кулгаахтарын сарыытын тэһиэх
курдук чымаан часкыыртан быыһанаары, балааккаттан сул-
бу ыстанан тахсабын диэн аан диэки ойбута баара да, бүтэй
эркиҥҥэ кэтиллэн өрө чинэрийэригэр, аны, балаакка тиирэ
тардыллан турар тирэх тоһоҕотун түҥнэри көтөн кэбиспитэ...
Кини илим саба быраҕыллыбыт кыылыгар маарыннаабыта:
үөхсэн, орулаан хардьыгыныы-хардьыгыныы, кырыыстаах би-
риһиэнтэн босхолоно сатаан өлөр мөхсүүтүнэн булумахтанара.
Кэмниэ кэнэҕэс син төлү көтөн таһырдьа ойон тахсыбы-
та. Уонна, халдьы бараары, хас да атылы оҥорбута этэ да,
иннигэр уун-утары уот күлүм гыммыта. Ытыы тыаһын кини
истибэтэҕэ даҕаны. Айаҕын аллаччы атан баран, мунугуур
улаханнык кыланыан баҕарбыта эрээри, хаһыы оннугар кини
түөһүттэн иһиллэр-иһиллибэт ынчык эрэ тахсан хардырҕаан
иһиллибитэ...
...Кини оройуон балыыһатыгар киирбитин, эмчиттэр бас-
такы бөлөх хааны көрдөөбүттэрин, башкарма Джунушаалы
уонна били унньуйбут милииссийэ онно хаан биэрбиттэрин;
көрүдүөргэ били быыһаабыт кыыһа ытыырын; Карлыгач,
эрин туһунан сураҕы истээт, сонно тута түүннэри балыыһаҕа
сүүрэн кэлбитин; аилын дьоно, төбөлөрүн аһыммыттыы-ха-
раастыбыттыы туллаҥнатан ыла-ыла, Бекбосун бэйэтэ ыйыл-
лары тардан кэбиспит түмүгүн олус ыараханнык сүөрбүтүн
туһунан кэпсэтэллэрин билбэт этэ...
Быһата, барыта, били икки сыллааҕыта Ак-Булак38 дьүүк-
тэтин уутугар тахсан хаалбыт арыыга дылы, хайдах эрэ, киһи
итэҕэйиэ суоҕун курдуга. Онно аил дьоно бука бары күргүө-
мүнэн тахсан дьүүктэ сүлбэтин ыраастаабытгара. Оннук буол-
лаҕына сатанара: бары да ол дьүүктэ уутун иһиэхтэрэ турдаҕа,
билигин баар дьон эрэ буолбакка, төрүү иликтэр эмиэ...

“ Ак-Булак — Үрүҥ Дьүүктэ.
357