Page 360 - Кун кууьар хайатыттан

Шумкалпак түһээтэҕинэ ыраах күөлгэ киирэн хаалан ба­
ран, кып-кыһыл чэчиктэргэ уу кутара. Элбэх да чэчик!.. Он­
тон, били былыргы номоххо курдук, чэчиктэрэ кыһыл куба
буолан хаалбыттара. Олус элбэх кып-кыһыл куба!.. Бары кини
туда эргийэллэр, туох эрэ, кып-кыһыл дьикти үҥкүүнү то-
лороллор... Эргийэллэр, ОНТОН иккистээн, үһүстээн, ОНТОН
биир ситимҥэ тиһиллэн сарсыардааҥҥы кытара кыыһар са-
рыаллаах халлааҥҥа уйдаран кытара умайан күлүбүрүүр күн
диэки көтөллөр...
Кыһыл чэчиктэр, кыһыл кубалар, кыһыл күн, кыһыл күөл,
кыһыл халлаан...
Түүл курдук. Эбэтэр номох курдук. Эбэтэр кытылга оло-
рон, күн күөл дьирбиитигэр тахсан эрдэҕинэ, хараххын си-
мириктэтэ-симириктэтэ, мэндээрэ дьиримниир ууттан дайан
тахсыбыт кубалар, биир тыыннаах ситим буолан, күн диэки
субуруһа көтөллөрүн көрөр курдуккун.

VII
Моҕой сылыгар кыһын хойутаабыта, хаар хойукка диэри
суоҕа. Хаар ахсынньыга биирдэ түспүтэ уонна дьону дол-
гутар-аймыыр үгүс кыһалҕаны үп-үрүҥ таҥаһынан сабан-
бүрүйэн кэбиспитэ. Хахсаат тыаллар ханна эрэ сүтэн-бүгэн
хаалбыттара. Дьиҥнээх холку кыһын тиийэн кэлбитэ.
Аныаха диэри аата-ахса суох сыллар син ааспыттарын
курдук, моҕой сыла ааһар кэмэ бигэтик чугаһаатар чугаһаан
иһэрэ.

Афанасий Гуринов-Арчылан тылбааһа