Page 362 - Кун кууьар хайатыттан

II. Аныгы остуоруйа
А т а у у л — тыаны көрөөччү киһи
К е м у у л — булчут киһи
Кермарал — таба
Бугучар — тугут, Кермарал оҕото
Ала Тураах — сонуну, сананы кэпсээччи
Л ы а х
Тигээйичээн
Т ү л п э э н
Саймалуу таас — ытык таас

Маҥнайгы оонньуу
Пролог
Улуу Хайаҕа сулустаах сааскы түүн. Мэччирэҥнээх сыһыыга Кер­
марал тугутчаан Бугучар ы кытта утуйа сыталлар. Ала Ту­
раах мае лабаатыгар олорор, Т и г э э й и уонна Л ы а х окко мин-
ньигэстик утуйа сыталлар. Эмискэ хобо чуораан тыаһыыр. Муоһугар ый
суһумун оонньоппутунан, хобо чуораан симик тыаһынан Кайберен
сыанада тахсан кэлэр.
Кайберен. Түҥ былыргы үйэлэртэн сыдьааннарым
олорор өҥ дойдуларыгар саас кэллэ. Үкэр от үүнүөхтүн, ийэ
эмиийэ үүтүнэн туолуохтун, хадьыр тааһы тобулан чэчиктэр
тахсыахтыннар... Ытык сир, эн үрдүк халлааҥҥар чыычаах
ырыата дьиэрэйдин, эн көнө хонуугар таба үөрэ мэччийдин!
Айыы Тойон, араҥаччылаа! Уоттаах харахтаах утары көрбөтүн,
сытыы тыллаах таба эппэтин! Ийэ-Таба ыччатын араҥаччы-
лаа, арчылаа! (Уот сардаҥата кинини эрэ сырдатар. Кайберен
биир-биир оонньуу кыттыылаахтарыгар чугаһыыр. Кини тэй-
дэҕинэ оонньуу кыттыылаахтара сыанаттан тахсан бараллар.
Ийэ-Таба Кермаралга чугаһыыр.) Ыарахан кэмҥэ төрөөбүт
оҕом барахсан. Утуй... утуй, тоойуом. Өлбүт эриҥ адаар муо-
һун харысхал оҥостон кэтэҥҥин, тугутчааҥҥын батыһынна-
раҥҥын, ытык тааска туһулаан иһэҕин... Онно тиий... тиий...
Сыдьааннарым сайын ахсын мустар сиргитигэр...
Кермаралы уонна тугутчааны аптаах от сиигинэн ыһыахтыыр уонна
сыанаттан тахсан барар. Хобо чуораан тыаһа симэлийэр.
Сыана аа-дьуо сырдыыр. Кермарал, дьигиһийбитинэн уһуктан кэлэр.
Тулатын көрүнэр. Ийэтэ тэйбитин билэн, Бугучар тугутчаан
кэһиэдирбит куолаһынан ыйытар.
360