Page 364 - Кун кууьар хайатыттан

Тигээйичээн.
Мин тигээйибин, тигээйибин
Бары ыарыыны эмтиибин...
Уой... Бу тугуй? Чэчик дуу...
К е м у у л. Туох айылаах дыыгынаан хааллыҥ. (Хортууһу-
нан тигээйини охсор.)
Л ы а х. Чэчик, чэчикчээн тэтэркэй, маҥан... Бай... бары
ханна бардылар? (Тигээйини көрөн баран.) Уой! Эн кимҥиний?
Тигээйичээн. Мин Тигээйи оҕотобун. Уол Тигээйи-
чээммин.
Л ы а х. Уол?
Тигээйичээн. Оннук, Уол Тигээйичээммин. Оттон
эн олус кэрэ чэчиккин.
Л ы а х. Мин чэчик буолбатахпын. Мин — лыахпын. Чэ-
чиктэри көрдүүбүн.
Тигээйичээн. Мин эмиэ чэчиктэри көрдүүбүн.
Л ы а х. Буллаххына тугу гынаҕын?
Тигээйичээн. Чэчик сүмэтин хомуйабын. Мүөт оҥо-
робун.
Л ы а х. Үчүгэйиин.
Тигээйичээн. Манна чэчик суох. Көтүөххэ, иккиэн
көрдүөххэ.
Л ы а х. Ханна?
Тигээйичээн. Хайаҕа. Эбэм этэр этэ, хайаҕа үүнэр
чэчик сүмэтэ олус туһалаах диэн.
Л ы а х. Оттон миэхэ ийэм бу хонууттан тэйимэ диэбитэ.
Ол эрээри... манна олох да чэчик үүммэтэх эбит дии...
Тигээйичээн. Эн бастакыгын көттүҥдуо?
Л ы а х. Бастакыбын. Оттон эн?
Тигээйичээн. Мин олохпор эмиэ бастакыбын чэчик
сүмэтин хомуйа таҕыстым. Төрөөбүт дойдубут олус кэрэ дии?!
Л ы а х. Кэрэ!
Тигээйичээн. Ыллыахпын баҕардым.
Мин кыра Тигээйибин,
Бары ыарыыны эмтиир эми оҥоробун.
Мин мүөппүн амсайдаххытына,
Олоххут минньигэс буолуо!
Лыахчаан, отгон эн ырыалааххын дуу?
362