Page 37 - Кун кууьар хайатыттан

Тоҥ таастан кытаанах курдуккун,
Тамаҕы хатаран куолайга тураҕын.
Сороҕор мүөттэн да минньигэс буолаҕын,
Сүлүһүн дьайыытын куоһаран ылаҕын,
Эйигин хас биирдии туһугар туһанар:
Туос албын, кус сүрэх, өркөн өй, дьиҥ хорсун.
Быһаҕы анньардыы алдьатар күүстээххин,
Ыарыыны киэр илгэр алыптаах эмтээххин,
Омугум сүүс өҥүн бэйэҕэр иҥэрэн,
Баай-талым эйгэҕэр ситэрэн тиэрдэҕин.

СААХЫМАТ
Билиэхтээх этибит биһиги эрдэтгэн
Хас биирдии бэйэбит дьылҕатын, биэтэгин,
Олохпут биһиэнэ — саахымат хаамыыта,
Оонньооччу кыаҕыттан киэркэйэр тахсыыта.
Эн дьылҕаҥ ойуута хонууга суруллар:
Хас биирдии хардыыта, охсуһар хаһыыта.
Сүүһүнэн албаһа билиини эрэйэр,
Сүүскүттэн көлөһүн тохтуоҕа кыайыыга.
Көрдөө, ирдээ... Ладьыйааны биитэр аты,
Пиэрсэни эбэтэр хоруолу — олоххо дуу, уокка —
Талан ыл... Оччоҕо маат ыытыаҥ кыайаҥҥын
Эн кими баҕарар ханнык да күн үүннүн.

Атынан хаамп, туура тэп — хорсун буол,
Булугас, куотутас — туһалыа бэрт албас...
Аһынан турума өстөөххүн! Кими да!
Маат — ыраахтааҕы бас билэр дьайыыта.

Дьэ кыайдыҥ, оччоҕо эрэ биллэр
Аһымал санааҕын хааччахха хаайбакка,
Кыайыаххар диэритин — тиигир буол.
Дьиҥнээхтик сэриилэс — оонньообокко!

3* 35