Page 40 - Кун кууьар хайатыттан
P. 40
УОСТУБАТ ӨЙДӨБҮЛ...
Ый сырдык мичээрэ аргыстаах,
Угуйар күн уота сирдьиттээх
Эйигин кытары хаамсарбын
Өрүүтүн күндүтүк саныыбын!
Ырыабыт дуорайар дорҕоонун
Очуос таас халлааҥҥа уунара,
Тыллыбыт иэйиибит дьөрбөтүн
Аар хатыҥ арчылыы кууһара.
Сыл-хонук сыыдамнык сырыста,
Кэм кэтит көхсүгэр мөссүөнүҥ да саста.
Ол эрэн эйигин ахтабын,
Нарыҥҥар махтана ааттыыбын!
Үтүөкэн өйдөбүл буолаҥҥын,
Миигинниин өрүүтүн бииргэҕин!
Аар хатыҥ үрдүнэн халлааҥҥа
Ырыабыт иһиллэр, билэҕиэн?..
ҮРҮҤ КҮН ТАХСЫЫТА...
Халлааны сырдатар чаҕылхай сулустар
Саһарҕа саҕана сылайбыт курдуктар.
Чуумпуга күөл ньуурун одуулуу турабын —
Оҕотук саастарбын эргитэ саныыбын...
Сиккиэр тыал уһуктан көрүлүү таҕыста,
Күөх халлаан күүһүттэн сэниэтин эбиннэ,
Күөл сөрүүн уутугар сууралла халыйда,
Долгуннуун куотуһан мэниктии дайыста.
Уйгуурбут кубачаан үөскэ таласта,
Күөх ууну ыһыахтыы оонньууга кыттыста.
Түгэххэ тохтубут ууллубут хорҕолдьун
Чүмэчи уотунуу кылайар дьоҕойон.
38
