Page 41 - Кун кууьар хайатыттан

Алыптаах түүҥҥэ туман уол имнэннэ,
Түүн кини күлүгэр түргэнник күрэннэ.
Чаҕаарар хопто уруйдуур бу күнү,
Киэҥ халлаан мичийэн аҕалар үөрүүнү!

УОН АҔЫС КЭРЭ СААС

Эргийбэт эдэркээн уон аҕыс саастарым
Сүүрүктүү түргэнник сырсаннар аастылар.
Соҕуруу көппүт кубалыы сүттүлэр,
Мин тиийбэт сирбэр кэлбэттии бүктүлэр.

Кэннибэр хааллаҕа чугдаара уон аҕыс
Күндэлэс күннээх күлүмнүүр кэрэ саас,
Маҥнайгы уураһыы сүппэт амтана,
Килбик кыыс 050 туҥуй таптала.

Эргийбэт эдэркээн сааспар хас биирдии
Үүммүт күн көрсөрө миигин мичээрдии,
Чэчик дьөрбөтүн — үөрүүнү — бэлэхтии.
Ол чэчик мин туспар аны тыллыбат...

ытым миэнэ

Ааспыт кэм күнтэн күн ахсын
Күндүтэ эбиллэр буоллаҕа.
Көнтөрүк ыт оҕото барахсан
Миигин көрсө сүүрэр суоллааҕа.

Сотору улаата охсубута,
Оҕолордуун оонньуур буолбута.
Бэйэтин дьонун таптыыра,
Атыттары ардыгар куттуура.

Бөҕөстүү быһыылаах-таһаалаах,
Боотурдуу туруору майгылаах
Ыппыт соҕотох бэйэтэ
Бөрөттөн чаҕыйыа суох этэ.

39