Page 380 - Кун кууьар хайатыттан

Т ү л п э э н. Мин — түлпээммин. Мин — чэчикпин.
Тигээйичээн. Оттон ЭН КИМҤИНИЙ?
Саймалуу Таас. Оттон мин — Саймалуу Тааспын.
Мин — былыргы кэммин.
Л ы а х (Түлпээҥҥэ барар). Наһаа дьикти аатгааххын дии —
Түл-пэ-эн...
Саймалуу Таас. Оҕолоор, Түлпээн былыргы боотур-
дар хааннарыттан үүнэн тахсыбыт буолан хаан кыһыл өҥнөөх.
Тигээйичээн. Ол аата?
Т ү л п э э н. Былдьаһыктаах былыргы дьыл быдан мын-
даатыгар Аан ийэ дойдуларын, алаһа дьиэлэрин көмүскээн
аата-ахса суох элбэх боотур умсубута.
Саймалуу Таас. Бары эдэр-чэгиэн... ис киирбэх...
бары хорсун-хоодуот этилэр.
Т ү л п э э н. Боотур биир таммах хаана тохтубут сири-
гэр — биһиги үүнэн тахсыбыппыт.
Л ы а х. Ок-сиэ!..
Т ү л п э э н. Ол иһин биһиги хас саас аайы тыллабыт.
Тигээйичээн. Бу чэчиктэр оччоҕо бары боотурдар
этэ дуо? (Эргиччи көрөр.) Сир ньуура барыта...
Саймалуу Таас. Бары. Урут оссо элбэх этэ.
Т ү л п э э н. Урут дьон боотурдар хааннарыттан үүммүп-
пүтүн ытыктаан биһигини үргээбэттэр этэ. Эбэм кэпсээ-
нинэн, саас, биһиги мунугаан тыллан, киэркэйэн турдахпы-
тына, айанньыттар тууран ылыахтааҕар, аттарыттан ыстанан
түһээт, өбүгэ дойдутугар төннүбүт боотурдар куттарыгар ку-
турҕан тылларын этэллэрэ эбитэ үһү.
Л ы а х. Оттон эн эбэҥ билигин ханна баарый?
Т ү л п э э н. Мин силиспэр. Билигин биһигини иккитэ
төхтүрүйэн өлөрөллөр.
Л ы а х (соһуйбуттуу). Хайдах ол аата?
Т ү л п э э н. Силистиин түөрэн ылаллар...
Л ы а х. Ол тоҕо силистиин түөрэллэр? Сиэри дуо?
Тигээйичээн (тула баар чэчиктэри үрдүлэринэн кө-
төр). Акаарычаан! Чэчиктэри сииллэр диигин дуо? Сиэбэт-
тэр! Баһаарга илдьэллэр уонна атыылыыллар.
Л ы а х. Ол аата?
Тигээйичээн. Атыылыыллар. Биир киһи — атын
киһиэхэ биэрэр.
378