Page 381 - Кун кууьар хайатыттан

Л ы а х. Оттон ол ылбыт киһи хайыырый?
Т ү л п э э н. Ылбыт киһи үһүс киһиэхэ бэлэхтиир. Оннук
хаһан хатыахпытыгар диэри ол киһи дьиэтигэр турабыт.
Л ы а х. Онтон...
Т ү л п э э н. Онтон бөххө быраҕыллабыт.
Лыах. Куһаҕаныын... (Толкуйдуу түһэн баран.) Оттон эн
манна тураҥҥын эмиэ кэхтиэҥ дни? Ханна кэхтэр оччо суол-
талаах дуо?
Т ү л п э э н. Манна үүнэн тураммын Тигээйичээннээх
эйиэхэ сүмэһиммин бэрсиэхпин сөп. Салгыы удьуорум сай-
дар. Сирбин нүөлсүтэбин. Манна хагдарыйарым ордук.
Лыах. Атыттар диэн кимнээҕий?
Т ү л п э э н. Кинилэр куораттан кэлэллэр.
Тигээйичээн. Олор били биһигини кыйдаабыкка
маарынныыллар.
Туйах тыаһа иһиллэр, Кермарал көстөр.
Саймалуу Таас. Түлпээн, иһит эрэ. Биллиҥ?
Т ү л п э э н. Биллим.
Кермарал тугутун батыһыннарбытынан тиийэн кэлэр.
Сылайбыт. Тириппит.
Саймалуу Тааска тиийэр уонна сылайбыттыы сууллан түһэр.
Кермарал. Саймалуу Таас... Өбүгэ саҕаттан сүгүрүйэр
ытык сирбит!.. Этэнҥэҕин дуо?! (Сыллыыр-ууруур. Тугутчаан
саката суох соһуйбуттуу Саймалуу Тааһы, ыллыы-туойа көтөр
Тигээйичээни, Лыахчааны, хараҕа ууламмыт Тулпээни, Сайма­
луу Тааска баар ойуулары сирийэн көрөр.)
Саймалуу Таас. Этэҥҥэҕин дуо, Ийэ-Таба сыдьаа-
на...
Кермарал. Эн уруккуҥ курдук улуукаҥҥын, дьоһуҥ-
ҥун. Отгон аттыгар Түлпээн үүммүтүттэн ордук кэрэ буол-
буккун...
Саймалуу Таас. Ол эйиэхэ үтүө бэлиэ.
Кермарал. Билэбин. Оттон бастакы бэлиэни истиби-
тиҥ?..
Саймалуу Таас. Истибитим.
Кермарал. Ийэ-Таба сыдьаана барыта истибитэ буолуо
дуо?
379