Page 383 - Кун кууьар хайатыттан

көмүс төбөм көтөр. Оччоҕо ким эһиэхэ илдьити тиэрдиэй,
эһигини сэрэтиэй? Ким эһиэхэ Сорук-Боллур буолуой? Ким
сонуну, саҥаны кэпсиэй?
Кермарал. Тугутчааныам! Кэл манна.
Б у г у ч а р. Билигин, ийээ. Кэрэ да ойуулар. Өссө көрө
түһүүм.
Кермарал. Ала Тураах туох диирин истэҕин дуо? Кэл
манна. (Салгыны сытырҕалыыр.) Кинилэр бэлиэр чугаһаабыт-
тар. (Оҕотугар сүүрэр.)
Тугут кутгаммыттыы тааска ойон тахсар.
Кемуул эмискэ кини иннигэр баар буола түһэр.
Ала Тураах. Айыы Таҥара, көмөлөс! Бүттүбүөт!
К е м у у л (Ала тураахха). Хайа, эн манна кэлэ охсубуккун
дуу, обургу? Бастакынан эйигин хам баттыам. Сөп буолуо.

Ытар. Таппат.
Лыахчаан соһуйан-куттанан ытыһынан сирэйин саба туттан баран
ытыыр. Тигээйи дыыгыныы-дыыгыныы сыана устун сүүрэкэлиир.
Ала Тураах өйүн сүтэрэн сууллан түһэр. Тугутчаан кутталыттан
хамсаабакка турар, титириир. Кермарал тугутчааныгар сатаан тиийбэт,
эмиэ таалан турар.
К е м у у л (Кермаралга). Миигиттэн куотуоххун баҕарбы-
тыҥ даа? Ытан түһэриэм да, көлөбөр тиэйэн, илдьэ бара ту-
руом. Оттон эн кутталыттан титириир тугуккун... Көр, кут­
талыттан хамсаабат, чыпчылыйбат даҕаны... Тутан ылыам,
тыыннаахтыы куоракка киллэриэм уонна онно шашлык оҥо-
руом... Отгон эн муоскун... Ынырык үчүгэй муостааххын дии...
Кермарал. Тугуппун тыытыма. Миигин хайаа даҕаны.
К е м у у л. Туппут куобаҕын ким ыытан кэбиһэр үһүнүй?..
Иккиэҥҥитин илдьэ барыам.
А т а у у л (сүүрэн киирэр). Бырах сааҕын!
Кемуул (тугукка саатын туһаайар). Эн эмиэ бырах.
Бырахпатаххына, бу тыһы таба ыаматын ытан түһэриэм.
А т а у у л. Оччоҕо саабытын тэҥҥэ ууруохха.
Кемуул. Чэ.
А т а у у л. Сааҥ уоһун түһэр. Үскэ диэри ааҕан баран, ик-
киэн тэҥҥэ сиргэ ууруохха. Ытык кыыллары өлөрө сатаабы-
тыҥ туһунан кимиэхэ да этиэм суоҕа. Ким да эйигин сууттуо
суоҕа. Чэ, биир... икки...
381