Page 388 - Кун кууьар хайатыттан

Бүтүннүү тыҥаан хаалла. Ол кэмҥэ биир дьахтар «кытархай»
диэки барда. «Ылар буолла!» — дии санаата кини. Суох, дьах­
тар ааһа хаамта. Харчы диэки хайыһан да көрбөтө. Кини үөрэ
санаата, билигин кини бэйэтэ ылыаҕа. Уонна «Ким харчытай
бу? Ким түһэрдэ?» диэн ыйытыа да суоҕа. Ылыахха, ылыахха,
онон бүтэр. Сүрэҕэ битигирэччи тэптэ.
Кини харчы диэки хаамта, сүрэҕэ адьас түөһүн иһиттэн
ойон тахсыах курдук буолла. Санаатыгар ким эрэ кинини
кэнниттэн кэтиир курдук. Ол да буоллар, кэннин хайыспак-
ка, суумкатын биир илиитигэр уларыппыта буолан, төҥкөс гы-
наат, харчыны харбаан ылла! Уон солкуобай... Суумкатыгар
уктан кэбистэ. Сутуругун хам тутга, тарбахтара бэйэлэрэ суу-
ланан хааллылар... «Билигин хаһыы бөҕө буолуо, — диэн кини
иһиллэр-иһиллибэттик ботугураата, — сибилигин». Ол эрээри
ким да хаһыытаабата. Эмискэ дорҕоонноох саҥаны истэн эр-
гиллэ түспүтэ, хата киниэхэ ким да кыһаммат, дьон бэйэлэрэ
кэпсэтэллэр эбит... Тыҥыаҕынан тыҥаан мэктиэтигэр хоноччу
таттаран хаалла. Атыыһыт остуолун диэки хаамта, санаатыгар
кинини ким эрэ тилэх баттаһан иһэр курдук. Билигин охсуо!
Дьахтар бэйэтэ да өйдөөбөккө хаптас гынна. Суох, Таҥара
көмөтүнэн ким да кинини батыспатах. Арыый уоскуйда. Атыы-
һыт остуолун аттыгар тиийэн кэллэ. Син биир ким эрэ миигин
көрбүтэ буолуо дии саныыр. Атыыһыкка кэлэн, албыннаһан
ымайа-ымайа, ыйытта:
— Үүт баар дуу, эдьиэй?
— Көрбөккүн дуо, баар дии, — диэтэ биирдэстэрэ.
— А-а... — диэтэ кини уонна күлбүтэ буолла.
Дьону алы гынаары сымыйанан күлэ турда. Онтон дууһа-
тын түгэҕэр бэйэтин бэйэтэ аһынна. Эргиллэн, аан диэки
барда. Харчытын умнубут киһи курдук чыпчырынна уонна
бэрт ыксалынан тахсан барда. Атыыһыт кини харчытын ум-
нубутун итэҕэйдэ быһыылаах. Эмиэ бэйэтин аһынан кэллэ.
Маҕаһыынтан тахсан дьиэтин диэки хаамта.
Дьиҥинэн, барар санаата суоҕа.
Үөрэнэн хаалбычча, атахтара кинини дьиэтин диэки ил-
дьэн истилэр. Туту да санаабакка, мээнэ баран иһэр. Харчы­
тын да умнубут курдук. Өйүгэр кытархай кумааҕы уонна уон
сыыппара эрэ бааллар.
Онтон дьэ өй ылан, ходьох гына түстэ.
386