Page 389 - Кун кууьар хайатыттан

«Бээ эрэ, мин ханна бардым? — диэн бэйэтиттэн күлэ
санаата: — Аста ылыахха... Уонна түргэнник дьиэлиэххэ...
Оҕом...»
Маҕаһыынтан кураанах тахсыбытын бэркиһии санаата...
Ити хайдаҕый? Харчытын өйдөөн кэллэ уонна онтон олус
үөрдэ. «Эрим үөрүө, — диэн ботугураата. — Хайаан да үөрүө!
«Хантан ыллыҥ?» диэн ыйытыаҕа, ону мин этиэм суоҕа. Кы-
ратык толкуйдаатын, таайа түстүн...» Кини эрин мунчаарбыт
сирэйин өйүгэр оҥорон көрөн баран, мичик гынна.
Тутуур бөҕөлөөх тиийдэҕинэ, киһитэ соһуйара буолуо. «Ха-
йа, тоҕо элбэҕэй, — диэҕэ, — хантан харчыланныҥ?» Оттон
кини күлэн кэбиһиэ, уонна өссө харчытын ордугун таһааран,
эрин букатын тыла суох ыытыа... Арай! Арай сүтэрбит киһи
тиийэн кэллин! Бу иэдээни! Харчыны атыыһыкка биэрбэккэ
баара...
Төнүннэ... Ол эрээри аҕыйах хаамыыны бараат, туохха эрэ
иҥнибит курдук, тохтуу биэрдэ.
Киһитэ... Киһитинээн бу сарсыарда этиспиттэрэ. Харчыт-
тан сылтаан. Бэҕэһээ тиһэх харчыларыгар биир дьиэ малый
атыыласпыттара. Онно эрэ ыйыппыта: «Оттон сарсын туту
аһыыбыт?» Онуоха кини охсурҕаланан кэбиспитэ: «Оччоҕо
сааспыт тухары туга да суох олоробут дуо? Сарсын бытыылка
да туттарыллыа». Киһитэ «чэ бэйэҥ бил» диэххэ айылаах туту
да саҥарбатаҕа. Оттон бу сарсыарда оҕоҕор үүттэ ылан кэл
диэн көрдөспүтүгэр киһитэ өрө хабылла түстэ: «Дьэ суох, бы-
тыылканы баҕас бэйэҥ туттар. Эн ханна эр киһи бытыылка
туттара турарын көрбүккүнүй? Онуоха эбии...»
«Онуоха эбии буолбакка! — диэн кини эригэр хаһыытыы
түстэ. — Онуоха эбии тугуй? Бэлэмҥэ эн бэркин!»
Эрэ сапсыйан эрэ кэбистэ.
Сарсыардааҥҥы иирсээни өйүгэр ырыта иһэн, эмискэ
өйдүү биэрдэ. Бүгүн эр дьон бырааһынньыга эбит дии! Хай­
дах итини умнубутай? Эрин аһына санаата. «Онуоха эбии...»
диэн тыллар суолталарын кини дьэ өйдөөтө. Эрэйдээххэ туту
эрэ бэлэхтээбит киһи.
Чэпчээбиттии өрө тыынна...
Маҕаһыыҥҥа тиийбитин өйдөөбөккө да хаалла. Киирдэ...
Киниэхэ ким да кыһаммата. Атыыһыкка тиийээт, хам хара-
ҕаланан хаалла. Харчытын суумкатыттан хайдах хостоон та-
387
25*