Page 405 - Кун кууьар хайатыттан

хаар, тоҥ сири ким эрэ үүтүнэн сууйбутунуу, маҥхаппыт.
Түүн хаар номнуо киһини бэрбээкэйинэн буолбута.
Кини өссө тэйиччитгэн ыттар моргуордарын истибитэ уон-
на ханнык эрэ аилга чугаһаабытын сэрэйбитэ. Көҕөрө сыһыар
диэри тоҥмут илиитин тыынынан ириэрэ сатыы-сатыы, со-
тору-сотору халыҥ хаарга батары түһэ-түһэ дьүккүһэн иһэрэ.
Хаайыыттан тахсыаҕыттан биир да күн киһилии олоҕу олоро
илик... Аччыктаан сордонно аҕай. Номнуо хаһыс да күнүн
айаҕар туту да уга илик. Көҥүлгэ тахсаат, кини икки нэдиэ-
лэ куоракка мэнээктээбитэ, хатыылаах боробулуоха нөҥүө
өттүгэр аһарбыт ол уон түөрт-биэс күнэ киниэхэ, холуон-
ньаҕа биир ый олорордооҕор быдан ыарахан курдук буолбута.
Куоракка, саатар, биир эмэ билэр киһитэ суоҕа. Бары төрүт
туспа, киниэхэ эрэ кыһаммат дьон этэ. Лааҕырдааҕы атастара
ханнык эрэ аадырыстары, төлөпүөннэри биэрбиттэрэ эрээри,
кини ону суруммут кумааҕытын сүтэрэн кэбиспитэ. Бэйэтин
уоруйах курдук улаханнык сананарыттан, кыбыстарыттан ум-
налаабатаҕа. Умналыыры адьас абааһы көрөрө. Ол оннугар
уорууну үрдүк быһыынан ааҕара уонна барыстаах дии са-
ныыра. Хараҥа муннукка кэтэһэн туран кими эмэ быһаҕынан
куттаан таҥаһын-сабын бүтүннүү талааһын — өссө ордуга.
Сиэптэригэр харчы баар буолуон, кэлин таҥаһы уоруллубу-
тунан эргинээччигэ да батарыан сөбө. Ол эрээри хаайыыттан
саҥа тахсаат, эмиэ эрэһээҥки нөҥүө баар буолан хаалыыттан
куттанан, итинниккэ тиийэртэн туттуммута. Куоракка ханна
эрэ хорҕойор сири булар уустуга. Онон тимир суол вокзалы-
гар хонорго күһэллэрэ, күнүһүн куораты кэрийэн тахсара.
Ити кэм устата сирэйэ бүтүннүү бар түү буолбута, этэ-сиинэ
ап-аһыы көлөһүн сыттаммыта. Кини бу куоракка, ону ааһан
олоххо даҕаны туох да туһата суох курдук санаммыта.
Билбэт аила... Туман быыһынан онно-манна өссө умулла
илик лаампа уоттара кыламныыра. Аил түлүк уутугар баттатан
сытара.
Уу чуумпу... Дьон баччаларга «уоруйахтар кэмнэрэ үүнэр»
дииллэр. Тугу баҕарбыккын ылыаххын уонна, ыксаабакка,
ханна таптаабыт сиргэр барыаххын сөп. Ким да көрүө суоҕа.
Кини аилга адьас чугаһаабыта, ол эрээри буруо сыта төрүт
суоҕа. Ити оһохтор уоттара умуллубута ырааппытын, дьон
кытаанахтык утуйа сытарын бигэтик туоһулуура. Уоруйах си-
403
* 26