Page 406 - Кун кууьар хайатыттан

гилитэ көбөн: төбөтүгэр аил кырыытыгар ойуччу турар биир
эмэ дьиэҕэ киирэн ас-үөл, итии таҥас уоран баран, күрээн
хаалар санаа элэҥнээбитэ. Иһигэр икки көстүбэт күүс мөк-
күһэрэ, биир этэрэ: «Тулуй, хоргуйан өлөн эрэр буолбатаххын,
ханна баран эрэргинэн бара тур», иккис кигэрэ: «Туохтан кут-
танаҕыный? Аны маннык түгэн тосхойуо биллибэт. Бу үлү-
гэрдээх хаарга-сииргэ хам аччык, таҥаһа-саба суох дьиэҕэр
тиийбэккин. Бар, кутганыма!»
Иккис көстүбэт күүс баһыйбыта.
Кини аан таһыгар иһийэн туран тулатын көрүммүтэ, он-
тон тутаах тымныы тимирин харбаабыта, оргууй аҕай бэйэ-
тин диэки тарпыта. Аан кыычыгыраабытыгар дьигис гына
түспүтэ. Сүрэҕэ дьөлө кэйбитэ. Ити түгэнтэн ыла түөһүн
иһигэр сүрэҕэ, субу төлө көтөн тахсыахтыы, битигирээ да би-
тигирээ буолбута. Иин иһинии хараҥа күүлэ боруогун нөҥүө
атыллыырыгар, алдьархайы халбарытыа диэн биккэ итэҕэйэн,
бастаан хаҥас атаҕын укпута. Уоруйаҕы кытта тэҥҥэ дьиэҕэ
тымныы салгын халыйан киирбитэ.
Дьиэ иһигэр чуҥкунуур чуумпу этэ. Кини, арааһа, ман­
на ким да олорбот быһыылаах дии санаабыта, ол эрээри
ытыс таһынар хараҥаҕа аҕыйах хаамыыны оҥороотун кыт­
та, сирэйигэр итии салгын ил гыммыта. Сэрэниин-сэрэнэн
атаҕын иминэн үктэнэн, аан таһыттан хос айаҕар тиийбитэ,
тыыммакка да туран иһиллээбитэ. Туох да тыас суоҕа. Арай
сүрэҕин тыаһа уу чуумпуну аймыыра. Атаҕын төбөтүнэн үк-
тэнэн хоско киирбитэ уонна утары муннукка бөрө хараҕар
маарынныыр икки уот сирэлийэрин көрө түспүтэ. Соһуйан,
чинэрис гына түһээт, таалан хаалбыта, тымныы ойбоҥҥо
түспүттүү, бүтүн бэйэтэ титирэстээн барбыта. Ити аҕыйах
чыпчылҕан устата кини тугу-тугу санаан ылбатаҕа буолла.
Онтон ол уоттаах харахтар тимир оһоххо умуллан эрэр чохтор
буолалларын өйдөөн, дьэ тыын ылбыта.
Хоско биллэр-биллибэт ситэ умайбатах мае төлөнүн сыта
баара, онно эбии иик сытынан аҥкылыйара.
Уоруйах дьиэҕэ ким эрэ баарын сэрэйбитэ. Кини оргууй
иннин диэки сыҕарыйбыта. Илиитин иминэн ханнык эрэ
маллары тутан көрөрө, ол эрээри ыас хараҥаҕа ол туохтар
буолалларын кыайан быһаарбатаҕа. Таһырдьа хоп-хойуу ту­
ман соҕотох түннүгү халыҥ сабыынан саба тардан, хоско хаар
404