Page 408 - Кун кууьар хайатыттан

сыбата, уоруйах кини туох диирин истээри чөрбөйүөҕүнэн
чөрбөйбүтэ. Эмээхсин, арааһа, түлэкэдийэрэ:
— Мин өлөр кэмим кэллэ... Оо, Айыы Таҥара, аньыылаах-
харалаах буоллахпына, миигин бырастыы гын... Бу дойдуга
мин дьонтон итэҕэһэ суох олоро сатаабытым... мин туохтан
да кэмсиммэппин, эйиэхэ махтал буоллун...
Эмээхсин чочумча ах барбыта, онтон салҕаабыта:
— Эн миэхэ дууһаны иҥэрбитиҥ, ону эмиэ эн ылыаҕыҥ...
Эмээхсин эмискэ ытаан барбыта. Ииммит-хаппыт этэ-сии-
нэ төрүт хамсаабат этэ, арай сирэйэ ибигириирэ.
— Өскөтүн мин Алмакаммын аны хаһан да көрбөт буолбу-
тум да иһин, Айыым Таҥарам, кини миигин аһыйан ытыы-
рын кулгаахпар иһитиннэр, — диэн эмээхсин иэйэн-куойан
көрдөспүтэ. — Баҕар, ииҥҥэ сытарбар арыый уоскулаҥ буо-
луо... Айаҕым куура хатар буолбута номнуо нэдиэлэ буолла...
Патима, эй, Патима! — киһи аһыныах кими эрэ ыҥырбыта. —
Биир омурт уута биэр эрэ... Иһим уотунан салыыр, умайар.
Дьиэҕэ киниттэн уонна эмээхсинтэн ураты ким да суо-
ҕун номнуо билбит уоруйах эмээхсини сүрдээҕин аһыммыта.
Киирэн иһэн аан хоско илиитинэн бигээн көрбүт уулаах биэ-
дэрэ баар сирин диэки барбыта. Ол эрээри оннуттан хамсаа-
тын кытары, киирэр аан тыаһа хаахынаабыта. Кини ыксаан
халыкынайа түспүтэ, онтон муннукка турар ыскаап сэгэйбит
аанын кэннигэр сөрүөстүбүтэ. Сүрэҕэ эмиэ тиҥиргэччи тэп-
питэ, салҕалас илиитинэн баата сонун сиэбин харбыаласпы-
та, онно хаайыыга оҥоһуллубут, угуттан ойон тахсар финка
быһаҕа баара. Туох эмэ буолар түгэнигэр, кини ону туттарга
бэлэмэ.
Аан хоско муоста кычыгыраабыта. Уот сандаарыс гым-
мыта. Тохтуу түһэн баран хоско киһи киирбитэ. Дьахтар этэ.
Кини түүҥҥү ырбаахынан сылдьара, ону үрдүнэн нуорка
саҕалаах сону бүрүммүт этэ. Атаҕар эр киһи саппыкытын ан-
ньына сылдьара. Аан хостон киирэр сырдыкка саппыкытын
оһун үрдүнэн сотолоро кылбайан көстөрө.
— Ыччуу! — диэн баран кини дьигиһийэн ылбыта. Бу эмээх­
син кийиитэ этэ. — Дьэ дьиибэ, мин ааны сабарга дылы гым-
мытым ээ? Баҕар, ким эрэ соруйан аспыта дуу?
Кини уоруйах саһан турар ыскаабын аттынан ааспыта. Уо­
руйах муннугар духуу, дьахтар итии этин-хаанын сыта дыр-
406