Page 412 - Кун кууьар хайатыттан

Бу түгэҥҥэ диэри адьас хамсаабат бэйэтэ, кини эмискэ
түүрүллэ түспүтэ уонна, баччааҥҥа диэри сыппытын ула-
рытыан баҕарбыттыы, ойоҕоһунан эргийбитэ. Уҥуох-тирии
ытыһынан уоруйах илиитин таарыйаат, ытарчалыы хам туппу-
та. Уоруйах соһуйан хаһыытыы сыспыта. Санаатыгар эмээх-
син илиитин тымныыта этин-хаанын бүтүннүү хаарыйарга
дылыта. Бүтүн бэйэтинэн дьигиһийэн ылбыта.
— Эн кэллиҥ дуо, Айыы Танара? — эмээхсин оргууй сип-
сийбитэ. — Мин бүгүн эйигин күүппүтүм... Дууһабын ыл...
Кини, иҥиир ситиитин тартаран, тарбахтарын күүскэ хам
туппута.
Уоруйах ыарыытыттан кыаҕа баарынан сарылыы түспүтэ.
Ол эрээри ити кэмҥэ илиитин ытарчалыы хам туппут тар-
бахтар холкутаабыттара уонна эмээхсин төбөтө атын сир диэ-
ки хоҥкус гыммыта. Тыына тахсыан иннинэ кини өссө аҕы-
йах тылы сибигинэйбитэ:
— Миигин сууйаарыҥ!.. Таҥара иннигэр ыраас туруохпун
баҕарабын...

Данил Макеев тылбааһа