Page 43 - Кун кууьар хайатыттан

Нурпаис

Жаркынбай

1939 сыллаахха Нарын уобалаһын Жумгал оройуо-
нун Кара-Чий аилыгар төрөөбүтэ.
Кыргызстан судаарыстыбаннай университетын,
Москваҕа ССКП КК иһинэн Үрдүкү партийнай оскуо-
ланы бүтэрбитэ.
Уһун сылларга «Кыргызстан коммуниста» суру-
наал эрэдээктэринэн үлэлээбитэ.
Хас да хоһоон кинигэлэрин ааптара: «Кыргыз
көчү» (Кыргыз көһүүтэ), «Жаштык жазы» (Эдэр саас
кэмэ), «Мезгил бийиги» (Кэм судьуйата), о.д.а.
ССӨС уонна Кыргызстан Суруйааччыларын со-
йуустарын чилиэнэ. Кыргызстан Өрөспүүбүлүкэтин
култууратын үтүөлээх үлэһитэ.

О-ОЛ ХАЙАЛАР

Кый үөһэ талаһабын, түөспүнэн тол ору тыынабын,
Үрдүктэн хайаны одуулаан сөҕөбүн-махтайабын:
«Ханнык хайаларый ити, дьонноор?»
Суох, ити үүтүнэн туолбут, ыанньыйбыт
Хайа ийэлэрин түөстэрэ!
(Итиннэ, ийэм түөһэ эмиэ баар).

Ханна эмэ бардахпына түһээн көрөбүн
Ыйга харбаспыт хайалар оройдорун...
Суох итиннэ — шайтан1 да, таҥара да суох:
Аҕалар барахсаттар, атахтарын хатыйа быраҕан,
Кэпсэтэ олороллор.
Төрүт үгэс — муҥура суох...
(Биир очуоска аҕабын булан көрдүм).

1 Шайтан — дьаабал.
41