Page 44 - Кун кууьар хайатыттан
P. 44
УҺУЛУЧЧУ
Томтордор буолбатах — үрүҥ ураһалар
Кэккэлии дьондоһон тураллар,
Тыал ытыллар толоонноро буолбатах,
Ийэлэрбит кичэйэн тэлгээбит
Дастарханнара2, күндү ийэлэрбит
Уолаттарын күүтэллэр
Сарсыарда эрдэттэн.
Халлааҥҥа харбаспыт барыта
Чыпчаал, чулуу буолбат.
Улуу, уһулуччу диэн —
Бытарҕан тымныыттан самныбатах,
Өстөөхтөн, өргөстөн чаҕыйбатах
Эһэлэрбит барахсаттар.
СИРЭЙ
Киһи,
Ып-ыраас сирэйиҥ ньуурун
Мэлдьи харыстаа.
Икки ытыскын холбуу тутан,
Иэдэстэргин илииҥ иминэн кистиигин,
Иэдэстэриҥ — суобас уонна чиэс
Туллар тутаахтара.
Сирэйгэр биллэр итии кутаа
Кутталы ончу суоһаабат,
Бэл тыйыс тымныы
Кыһарыйбат, хаарыйбат.
Арай саат-суут диэн атын.
Сааттан-сууттан умайыахха сөп!
Харыстаа, доҕоруом, бэйэҥ сирэйгин,
Ып-ыраас аһаҕас сирэйгин!
2 Дастархан — муостаҕа тэлгэнэр халыҥ ыскаатар.
42
