Page 16 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ ВАСИЛИЙ АФАНАСЬЕВИЧ
(1918-1989)

1918 сыллаахха I Курбуһах нэһилиэгэр Кулады
сиригэр Чараҥ диэн алааска 9 оҕолоох Афанасий
Филиппович уонна Мария Петровна Аммосовтар
дьиэ кэргэннэригэр төрдүс уолунан төрөөбүт. Тө-
рөппүттэрэ «Нүөдүрүкү» артыалга, онтон «Кыһыл
хардыы» холкуоска үлэлээбиттэр.
Курбуһах сэттэ кылаастаах оскуолатын бүтэрбит.
Оскуолатааҕы сылларыттан ыла күүстээх спортсмен
буолан элбэх күрэхтэһиилэргэ кыттыбыт. Хайы-
һарга, тустууга, ворошиловтыы ытыыга оройуоҥҥа
хаста да бастакы миэстэлэри ылаттаабыт. БГТО,
ГТО, Осоавиахим нуормаларын холкутук толорон,
элбэх значоктары ылан түөһүгэр иилиммит. Оскуоланы бүтэрэр сылыгар,
1938 сыллаахха, комсомолга киирбит. Сэриигэ ыҥырыллыар диэри «Кыһыл
хардыы» холкуоска комсомольскай тэрилтэ сэкирэтээринэн үлэлээбит.
1941 сыл атырдьах ыйын 11 күнүгэр Кыһыл Аармыйа кэккэтигэр ыҥы-
рыллан барбыт. Кылгас бириэмэлээх байыаннай бэлэмнэнии кэнниттэн
1942 сыллаахха Владимир куоракка 48 №-дээх зенитнай дивизиоҥҥа сыл-
дьыбыт. Онтон 1942 сыл сэтинньи ыйыгар арҕааҥҥы Калининскай фроҥҥа
Ржев куорат аттыгар кыргыһыыга киирбит. Мантан ыла кини бойобуой суо-
ла сэрии толооннорунан ааспыта, элбэх кыргыһыыларга кыттыбыта. Васи­
лий Афанасьевич Ленинградскай, Калининскай, 3-с Украинскай фроннарга
сэрии саҕаланыаҕыттан бүтүөр диэри Кыайыы суолун солоспута.
Хорсун буойун бойобуой суола: Ржев куорат анныгар кырыктаах кыр-
гыһыы, Ленинград куораты блокадаттан букатыннаахтык босхолооһун опе-
рацията, Эстония, Белоруссия, Украина сирдэриттэн немецкэй-фашистскай
талабырдьыттары үүрэн таһаарыы, Венгрия, Австрия, Румыния, Чехосло­
вакия дойдуларын өстөөхтөн босхолооһун. Кыайыы күнүн Чехославакия
Рейхан дэриэбинэтигэр көрсүбүтэ.
Василий Афанасьевич сэрии саҕаланыаҕыттан бүтүөр диэри сылдьыбыт
Курбуһахтан соҕотох киһи, элбэх бойобуой наҕараадалардаах: Аҕа дойду сэ-
риитин I истиэпэннээх уордьана, «Ленинград оборонатын иһин» (1943), «Бо-
йобуой үтүөлэрин иһин» (1944, 1945), «Германияны кыайыы иһин» (1946),
«Венаны ылыы иһин» (1947) мэтээллэр, И. В. Сталинтан махтал сурук, Со-
ветскай Союз Маршала И. С. Коневтан икки төгүл махтал грамоталар.

14