Page 17 - Курбуьахтар А5а дойду кемускэлигэр

Ким да умнуллубат, туох да умнуллубат!

Сэрииттэн эргиллэн кэлээт холкуоска, сопхуоска биригэдьииринэн, кы-
ладыапсыгынан, 30 сыл устата сүүрүк аттарга үлэлээбитэ, оройуоҥҥа бил-
лэр ат баайааччы, тренер буолбута. Кини эрчийбит, бэлэмнээбит аттара
оройуоҥҥа, өрөспүүбүлүкэҕэ уһун уонна кылгас дистанцияларга бастыҥ
сүүрүктэр буолбуттара. Василий Афанасьевич нэһилиэгэр, улууһугар сыл-
гы спордун сайыннарбыт, ат баайааччы мындыр идэтигэр элбэх киһини
иитэн таһаарбыт үтүөлээх.
Василий Афанасьевич киһи быһыытынан олус чиэһинэй, киэҥ көҕүс-
тээх, сымнаҕас майгылаах, саха киһитигэр үрдүк уҥуохтаах, киппэ, күүс-
тээх, аҕыйах саҥалаах, көнө майгылаах саха саарына этэ. Суруйааччы
С. Васильев: «Былыргы курдук киниэхэ куйах кэтэрдэр буоллар, дуулаҕа
бухатыыр буолуох этэ», — диэн кини көрүнүн хайҕаан кинигэтигэр кил-
лэрбиттээх.
1955 сыллаахха Пухова Пелагея Емельяновнаны кэргэн ылбыта. Хорсун
артиллерист олоҕун салгыыр кыыстаах, сиэннэрдээх, хос сиэннэрдээх.

Мэлдьи инники күөҥҥэ.— Бороҕон : Мүрү саһарҕата, 2005,— 101 с.
Дьөһөгөй оҕотунуун алтыһан, —Дьокуускай : Дани-Алмас, 2018,— 116 с.
* * *
Аммосов, Д. Ол суостаах сылларга / Д.Ф. Аммосов // Ленинскэй тэрийээччи,—
1967,— Тохсунньу 2 к. — С. 2.
Васильев, Ф. Умнуллубат үрдэл /Ф. Васильев // Кыым,— 1968,— Тохсунньу 23 к.

АММОСОВ ВАСИЛИЙ ВАСИЛЬЕВИЧ
(1910-1943)

1910 сыллаахха II Курбуһах нэһилиэгэр Толоон
Эбэҕэ Василий Павлович уонна Матрена Дмитриев­
на Аммосовтар дьиэ кэргэннэригэр бастакы уолу-
нан төрөөбүт. Тандаҕа эбэлээх эһэтигэр Екатерина,
Дмитрий Готовцевтарга иитиллибит, онно олорон
1927 сыллаахха 5 кылааһы үөрэнэн бүтэрбит.
1928 сылтан бэйэтин нэһилиэгэр Сэбиэт чилиэ-
нинэн, сорох кэмнэргэ сэкирэтээринэн үлэлээбит.
1929 сылга сир түҥэтигэр депутатынан сылдьы-
быт, онно толору үлэлэспит. 1930 сыллаахха «Хол-
бос» иһинээҕи суотчуттар куурустарыгар үөрэнэн
Бээрийэ сельпотугар, онтон райпотребсоюзка суотчутунан үлэлээбит.

15