Page 140 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

ка тиийэн хайыһар хамаандатыгар байыаннай үөрэҕи барбыт. 354 стрелко-
вай дивизия 1201 стрелковай полк 32 хайыһар биригээдэтигэр сэриилэспит.
1943 сыл тохсунньу 29 күнүгэр Москва куорат таһыгар аҕалан сэрии-
гэ барар чааска араартаан ыыппыттар. Петр Иванович пехотаҕа түбэспит.
Кини сулууспалыыр чааһын Орловскай уобаласка илпиттэр. Манна Бере­
зовка дэриэбинэ иһин кыргыһыыга 1201 №-дээх батальоҥҥа көмөҕө бы-
раҕыллыбыттар. Бу Петр Иванович сэриигэ бастакы сүрэхтэниитэ эбит.
1943 сыллаахха улаханнык бааһыран, госпитальга эмтэнэн, атырдьах
ыйыгар III группалаах инбэлиит буолан дойдутугар эргиллибит. Аҕа дой­
ду сэриитин I истиэпэннээх уордьанынан, Кыайыы үбүлүөйүнэй мэтээллэ-
ринэн наҕараадаламмыт.
1947 сылга диэри холкуоһугар буҕаалтырынан үлэлээбит. Пенсияҕа тах-
сыар диэри холкуоска сылгы иитиитигэр, хонуу үлэтигэр уонна да атын
араас үлэлэргэ үтүө суобастаахтык үлэлээбит.
Кэргэнэ Дария Павловна Карманиловалыын 4 кыыс, 3 уол оҕоломмут-
тар. Кинилэр олохторун элбэх сиэннэр, хос сиэннэр салгыыллар.

Охлопков, А. Сэриигэ, үлэҕэ мэлдьи саллаат / А.Охлопков // Ленинскэй тэри-
йээччи. — 1985.— Тохсунньу 22 к.

МЕСТНИКОВ ПЕТР ИННОКЕНТЬЕВИЧ
(1924-2015)

1924 сыл олунньу 20 күнүгэр I Курбуһах нэһи-
лиэгэр Иннокентий Терентьевич уонна Акулина
Егоровна Местниковтар дьиэ кэргэннэригэр төрөө-
бүт. Аҕата Петр 5 саастааҕар, ийэтэ 9 саастааҕар
өлбүттэр, онон эһэлээх эбэтигэр иитиллибит.
Сэттэ кылаас үөрэхтээх. 1940 сылтан «Комму­
низм» холкуос араас үлэтигэр үлэлээбит.
1943 сыл бэс ыйын 30 күнүгэр Чурапчы оройуо-
нун байыаннай комиссариатынан ыҥырыллан сэ-
риигэ барбыт. Бурятияҕа Гусиное Озеро диэн сиргэ
93 стрелковай полк 6 кондепотугар сулууспалаабыт.
Чаас сүрүн үлэтинэн тас Монголияттан дьиикэй
сылгылары аҕалан айааһаан, тачанкаҕа көлүйэргэ үөрэтэн, поеһынан сэ-
риилэһэр армияҕа ыытыы эбит, 1945 сылга диэри манна сулууспалаабыт,
«Германияны кыайыы иһин» мэтээлинэн наҕараадаламмыт.
122