Page 63 - Курбуьахтар А5а дойду кемускэлигэр

Ким да умнуллубат, туох да умнуллубат!

БУРНАШЕВ КОНСТАНТИН АНЕМПОДИСТОВИЧ
(1910-1978)

1910 сыллаахха бэс ыйын 10 күнүгэр II Кур-
буһах нэһилиэгэр Бурнашев Анемподист Егорович
уонна Посельская Елена Евсеевна дьиэ кэргэнигэр
төрөөбүт.
1926-1928 сылларга Танда оскуолатыгар үөрэ-
нэн 4 кылааһы бүтэрбит. Сэриигэ ыҥырыллыар
диэри «Дулҕалаах» холкуоска бэрэссэдээтэллээбит.
1941 сыл атырдьах ыйын 15 күнүгэр Чурапчы
оройуонун байыаннай комиссариатынан бастакы
хомуурга ыҥырыллан сэриигэ барбыт. Иркутскай
уобаласка Мальта станцияҕа байыаннай чааска 6 ый
үөрэтэн баран арҕаа фроҥҥа ыыппыттар. Калининград туһаайыытынан
16 батальоҥҥа киирэн хорсуннук сэриилэспитэ. Сэрии толоонугар 3 төгүл
ыараханнык бааһыран, 1943 сыл олунньу 24 күнүгэр дойдутугар эргилллэн
кэлбит.
1943-1955 сылларга оройуоҥҥа үп тэрилтэлэригэр, II Курбуһах нэһи-
лиэгин нолуокка агенынан, Сталин аатынан холкуоска биригэдьииринэн
үлэлээбит.
1962 сыллаахха Данилова Аксинья Ивановнаны кэргэн ылан Өлтөх
Арыылааҕар олохсуйбут, Мичурин аатынан холкуоска, «Лена» сопхуос
Бэйдиҥэтээҕи отделениетыгар бэтэринээринэн, субай сүөһүнү көрүүгэ үлэ-
лээбит. 1969 сыллаахха «Коммунистическай үлэ ударнига» ааты ылбыта.
«Германияны кыайыы иһин», «1941-1945 сс. Аҕа дойду Улуу сэриити-
гэр килбиэннээх үлэтин иһин», Кыайыы үбүлүөйүнэй мэтээллэринэн наҕа-
раадаламмыт.
Сааһын тухары үлэни өрө туппут коммунист, саллаат олоҕун оҕолоро,
элбэх сиэннэрэ, хос сиэннэрэ салгыыллар. 1978 сыллаахха ыалдьан өлбүт.

Одорусова, М.В.Сэрии тыына Өлтөххө (1941-1945 сс.) / М.В.Одорусова.— Дьо-
куускай, 2020. — С. 28-29.
Өлтөххө кыайыылаахтар эрэллэрэ, утумнааччылара / [хомуйан оҥордулар:
А. И. Говорова-Татаринова, М. В.Одорусова]. — Дьокуускай, 2022. — С. 35.

61