Page 68 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

БУРНАШЕВ СТЕПАН ПЕТРОВИЧ
(1924-1993)

1923 сыллаахха II Курбуһах нэһилиэгэр Петр
Андреевич уонна Ирина Ивановна Бурнашевтар
дьиэ кэргэннэригэр төрөөбүт. Курбуһах сэттэ кы-
лаастаах оскуолатын бүтэрбит, 1938 сыллаахха ком­
сомол кэккэтигэр киирбит.
1943 сыл от ыйын 22 күнүгэр Бэрт Ууһугар
арыы тутар пууҥҥа сэбиэдиссэйинэн үлэлии оло-
рон аармыйаҕа ыҥырыллан барбыт. Забайкальскай
байыаннай уокурукка илиҥҥи кыраныыссаҕа су-
лууспалаабыт.
1945 сыллаахха тымныйан ыалдьан, инбэлиит
буолан дойдутугар демобилизацияланан кэлбит. Аармыйаттан кэлээт «Ок­
тябрь» холкуоска суот-учуот үлэтигэр сылдьыбыт, онтон Бороҕон наспо-
тугар кылаабынай буҕаалтырынан үлэлээбит. 1947 сыллаахха партияҕа
киирбит. 1949 сыллаахха II Курбуһах ааҕар балаҕаныгар сэбиэдиссэйинэн,
кэлин киномеханигынан үлэлээбит.
Степан Петрович «Билии» уопсастыба лектора, пропагандиһа этэ, бы-
рааһынньыктар, ыһыахтар дакылааттарын суруйара. Нэһилиэккэ ыытыл-
лар тэрээһиннэргэ көхтөөхтүк кыттара, балалайкаҕа, мандолинаҕа үчүгэй-
дик оонньуура.
1993 сыллаахха ыалдьан өлбүт. Кэргэнэ, оҕото суох.

Хаарыан сайылыкпыт Халарык Толооно : сырдык ааттар, ыра санаалар / [хому-
йан оҥордулар: Н. Е. Пестрякова, Н. Н. Пестряков]. — Дьокуускай, 2020. — С. 115-118.

66