Page 42 - Агабыт туьунан иьирэх тылынан

Улаатар сааспар сукка хаптаран,
Дыгдайа иһэлийэн чуут оппутум.
Кыбыстыга суох кырдьыгы саҥаран,
Ол муҥун кэпсиир буолбутум.
Түөрт сыл сэбиэскэй саллаат өйүн,
Өһөс тыыныгар иитиллибитим.
Икки сыл сэрии өһөгөйүн, өһүөнүн
Хааннаах үөһүгэр күөнтэспитим.
Бэркиһиибин эбээт билигин кэлэн
Барытыттан тыыннаах оппутум.
Силлиэлээх олох уораанын билэн
Олох муҥун билэр буолбутум.
Тыаҕа мас кэрдэн
Салгыбакка барчалыы суулларарым,
Ходуһаҕа өһөс дьүккүөртэн,
Күн сүтүөр диэри хамсанарым.
Үлэлээбитим итинник добуоччутук,
Ол таах хааллаҕа дии санаммаппын.
Уларыйда былааспыт соһуччутук,
Ол эрээри ааспыты аһыйбаппын.
Билэбин дьон өйдүү илигин,
Ас-таҥас суох диэн суланарын.
Чааһынай бас билии билигин,
Үлэлээ, тобул сатанарын.

Остуол аһа маанылаах, Кыһыл аһы таптыыбын,
Ону өйдүүр наадалаах. Кыыһырбакка аһыыбын.
Остуол аһа харчылаах, Буотка бэрдин билэбин,
Онно бэлэх хардалаах. Буорайбакка иһэбин.
Остуол аһа ырыалаах, Үтүө тылбын толкуйдаан,
Көрө-нара тардыылаах. Үтүө мааны сиэрбин сыаналаан.
Остуол аһа үөрүүлээх, Дьоҥҥо кытта сүбэлээн,
Көҥүл ыытар күлүүлээх. Ылыннарар түмүктээн.
Арыгыны сирбэппин, Ылбаҕайдык этэн,
Айманары сирэбин. Ону бары ытыктааҥ.
Исиһэри сирбэппин, Дьоҥҥо, сиэргэ майгыланан,
Итирэри сирэбин.
Аһыы утаҕы аһаамаҥ.

40